សិស្ស ៤នាក់រងរបួសក្នុងហេតុការណ៍វាយប្រហារដោយកាំបិត

0

ប្រទេសស៊ុយអែត៖សិស្ស៤នាក់ត្រូវបានបញ្ជូនទៅមន្ទីរពេទ្យក្រោយពីមានការវាយប្រហារដោយកាំបិតដែលត្រូវបានរាយការណ៍ថាមានការចូលរួមពីមនុស្សជាច្រើននាក់នៅ​ថ្ងៃទិវា​កីឡា​មួយ​ក្នុង​ទីក្រុងអេសស្គីលស្តូណា ប្រទេស​ស៊ុយអែត កាល​ពី​ថ្ងៃ​ព្រហស្បតិ៍។

កម្លាំងនគរបាលជាច្រើនត្រូវ​បាន​បញ្ជូន​ទៅ​កន្លែងលេង​កីឡា​នៅពេល​អាហារ​ថ្ងៃត្រង់ ​បន្ទាប់​ពី​មាន​របាយការណ៍ពីការឈ្លោះប្រកែកគ្នា។

សាក្សីម្នាក់បានប្រាប់កាសែតអាហ្វថុនប្លាដេតថា ហេតុការណ៍​នេះ​បង្កឡើងដោយមនុស្ស ​២​ក្រុម ដែលក្នុងមួយក្រុម​មានមនុស្ស​ប្រមាណជា ​២០​នាក់ ហើយសាក្សីបានឃើញ​យុវជន​យ៉ាងហោចណាស់​ ២នាក់​រងរបួស​ដោយ​កាំបិត។

ប៉ូលិស​បាន​បញ្ជាក់​ថា មាន​អាវុធយ៉ាង​ហោច​ណាស់​​មួយ​ដើម​ត្រូវ​បាន​គេ​ប្រើប្រាស់ ប៉ុន្តែប៉ូលិស​បាន​បដិសេធ​មិន​បង្ហាញ​អត្តសញ្ញាណរបស់​អ្នក​រង​របួស និងស្ថានភាព​​របស់​ពួក​គេទេ។

នាយកសាលានៅទីក្រុងអេស្គីលស្តូណាបានប្រាប់កាសែតដាហ្កែនណាយហេតថ័រថា ពួកគេទាំង ៤នាក់​សុទ្ធ​តែ​ជា​សិស្ស​ថ្នាក់​ទី​៩ និងបាន​រង​របួស​ដោយ​កាំបិត។ គួរបញ្ជាក់ផងដែរថា

ទីក្រុងអេស្គីលស្តូណាស្ថិតនៅចម្ងាយប្រមាណជា ៨៨គីឡូម៉ែត្រពីភាគខាងលិចនៃរាជធានីស្តុកខម។

ប៉ូលិស​បាន​ចាត់ទុក​ហេតុការណ៍​នេះ​ថា​ជា​ការ​ប៉ុនប៉ង​មនុស្ស​ឃាត៕

ប្រភព Xinhua ចុះផ្សាយថ្ងៃទី០១ ខែមិថុនា ឆ្នាំ២០២៣

LEAVE A REPLY

Please enter your comment!
Please enter your name here