ទាហានស្លាប់ក្នុងហេតុការណ៍បាញ់គ្នាជាមួយក្រុមភេរវករក្នុងប្រទេសប៉ាគីស្ថាន

ប្រទេសប៉ាគីស្ថាន៖ ទាហានប្រទេសប៉ាគីស្ថានបាននិយាយថា ទាហានប៉ាគីស្ថានម្នាក់ត្រូវបានសម្លាប់ ក្នុងអំឡុងពេលបាញ់គ្នាជាមួយក្រុមភេរវករនៅខេត្តខាយប័រ ផាកថុនវ៉ា ភាគពាយ័ព្យនៃប្រទេស។

បណ្តាញទំនាក់ទំនងសាធារណៈអន្តរសេវាកម្មហៅកាត់ថា (ISPR) ដែលជាដៃគូរបស់ប្រព័ន្ធផ្សព្វផ្សាយកងទ័ពប៉ាគីស្ថានបាននិយាយថា ហេតុការណ៍បាញ់គ្នាបានកើតឡើងកាលពីថ្ងៃចន្ទ ក្នុងតំបន់ឡាដានៅភាគខាងត្បូងស្រុកវ៉ាហ្ស៊ីរីស្ថាន។ស្រុកវ៉ាហ្ស៊ីរីស្ថានគឺជាស្រុកមួយ ស្ថិតនៅជាប់ព្រំដែនប្រទេសអាហ្វហ្គានីស្ថាន។

ប្រភពពី ISPR បញ្ជាក់បន្ថែមទៀតថា “កម្លាំងទ័ពបានចូលរួមយ៉ាងមានប្រសិទ្ធភាពនៅទីតាំងរបស់ក្រុមភេរវករ។ តែជាអកុសលទាហានម្នាក់បានបាត់បង់ជីវិតក្នុងអំឡុងពេលបាញ់គ្នា”។ ក្រោយពេលកើតហេតុប្រតិបត្តិការសម្អាតត្រូវបានធ្វើឡើងដើម្បីកម្ចាត់ក្រុមភេរវករផ្សេងទៀតនៅក្នុងតំបន់។

ខាងយោធាបាននិយាយថា កម្លាំងសន្តិសុខប៉ាគីស្ថានបានប្តេជ្ញាដើម្បីលុបបំបាត់ការគំរាមកំហែងនៃអំពើភេរវកម្មចេញពីប្រទេស៕

ប្រភពព័ត៌មាន Xinhua ចុះផ្សាយថ្ងៃទី៦​ ខែឧសភា ឆ្នាំ២០២៣