ប្រទេសប៉ាគីស្ថាន៖ លោក ឃ្វារ៉ី ម៉ាហ្សូឌីន អាម៉ាឌី ប្រធានផ្នែកព័ត៌មាននិងវប្បធម៌ខេត្តបានបញ្ជាក់ថា មនុស្ស២នាក់ក្នុងនោះមានទាំងអភិបាលរងខេត្តបាកដាកសាននៅភាគខាងជើងនៃប្រទេសអាហ្វហ្គានីស្ថាន ត្រូវបានសម្លាប់ និងមនុស្ស ៦នាក់ផ្សេងទៀតរងរបួសនៅពេលដែលហេតុការណ៍ផ្ទុះបានរញ្ជួយទីរួមខេត្តហ្វាហ្សាបាដកាលពីថ្ងៃអង្គារ។
លោក ម៉ាហ្សូឌីន អាម៉ាឌី ប្រាប់អ្នកយកព័ត៌មានថា “ហេតុការណ៍ផ្ទុះនៅខេត្តហ្វាហ្សាបាដក្នុងថ្ងៃនេះបានសម្លាប់មនុស្ស ២នាក់ ក្នុងនោះមានទាំងលោក ម៉ាឡាវ៉ី នីសារ អាមាដ អាមាឌី អភិបាលខេត្តបាកដាកសាន និងបង្ករបួសដល់មនុស្ស ៦នាក់។ អ្នករងរបួសទាំងអស់ត្រូវបានបញ្ជូនទៅកាន់មន្ទីពេទ្យ”។
ហេតុការណ៍បំផ្ទុះគ្រាប់បែកក្នុងរថយន្តបានកើតឡើងនៅតំបន់ ខារ៉ាហ៊ី ម៉ាកាម៉ា នៃទីក្រុងហ្វាហ្សាបាដ នៅម៉ោង ៨:១៥នាទីម៉ោងក្នុងតំបន់។
មន្ត្រីរូបនេះមិនបានផ្តល់ព័ត៌មានលម្អិតបន្ថែមទៀតទាក់ទងនឹងក្រុមឬចលនាណាមួយដែលអះអាងទទួលខុសត្រូវចំពោះការវាយប្រហារដ៏សាហាវនេះទេ៕
ប្រភពព័ត៌មាន Xinhua ចុះផ្សាយថ្ងៃទី៦ ខែឧសភា ឆ្នាំ២០២៣
