ប្រទេសស៊ីរី៖ អ្នកតាមដានសង្រ្គាមបានរាយការណ៍ថា ក្រុមសកម្មប្រយុទ្ធរដ្ឋអ៊ីស្លាម (IS) បានវាយប្រហារលើក្បួនរថយន្តដឹកប្រេង ដែលអមដោយបុគ្គលិកយោធាស៊ីរី កាលពីថ្ងៃអង្គារនៅ
កណ្តាលប្រទេសូម៉ាលី ដោយបានសម្លាប់ទាហាន ៥នាក់ និងអ្នកបើកបរ ២នាក់។
អង្គការឃ្លាំមើលសិទ្ធិមនុស្សស៊ីរីបាននិយាយថា ក្រុមសកម្មប្រយុទ្ធរដ្ឋអ៊ីស្លាមបានវាយប្រហារលើផ្លូវរ៉ាកា សាលាម៉ីយ៉េ ក្នុងតំបន់វាលខ្សាច់នៅភាគខាងកើតនៃខេត្តហាម៉ា ដោយប្រើកាំភ្លើងយន្ត និងកាំភ្លើងបេប្លោង ដែលហៅកាត់ថា អាភីជី។
ក្រុមឃ្លាំមើលមានមូលដ្ឋាននៅចក្រភពអង់គ្លេសបាននិយាយថា ការវាយប្រហារនេះគឺជាការវាយប្រហារចុងក្រោយក្នុងចំណោមការវាយប្រហារដោយក្រុមសកម្មប្រយុទ្ធរដ្ឋអ៊ីស្លាមប្រឆាំងនឹងបុគ្គលិកយោធាស៊ីរី និងជនស៊ីវិលជាច្រើននាក់។
ចាប់តាំងពីដើមឆ្នាំ២០២៣មក ទាហានស៊ីរី ១៩២នាក់ និងអ្នកប្រយុទ្ធគាំទ្ររដ្ឋាភិបាល រួមទាំងជនស៊ីវិល ១៥៧នាក់ ត្រូវបានសម្លាប់ដោយការវាយប្រហាររបស់ក្រុមសកម្មប្រយុទ្ធរដ្ឋអ៊ីស្លាមនៅក្នុងតំបន់វាលខ្សាច់ដ៏ធំទូលាយដែលលាតសន្ធឹងតាមខេត្តហូម ខេត្តហាម៉ា ខេត្តស្វេដា ខេត្តរ៉ាកា ខេត្តឌៀរអាលហ្សួរ និងខេត្តអាឡិបប៉ូ។
កាសែតគាំទ្ររដ្ឋភិបាលអាល់ វ៉ាន បាននិយាយថា ការវាយប្រហារបានកើតឡើងបន្ទាប់ពីមានការប៉ះទង្គិចគ្នារវាងក្រុមសកម្មប្រយុទ្ធរដ្ឋអ៊ីស្លាម និងទាហានស៊ីរី ដោយបានបញ្ជាក់ថា នាវាដឹកប្រេងចំនួន៦គ្រឿង ដែលកំពុងធ្វើដំណើរទៅរោងចក្រចម្រាញ់ប្រេងក្នុងខេត្តហូមបានឆេះអស់មុនពេលក្រុមពន្លត់អគ្គិភ័យស៊ីរីអាចពន្លត់ភ្លើងបាន៕
ប្រភពព័តមាន Xinhua ចុះផ្សាយថ្ងៃទី០២ ខែសីហា ឆ្នាំ២០២៣
