ប្រទេសស៊ីរី៖ យោធាស៊ីរីបាននិយាយនៅក្នុងសេចក្តីថ្លែងការណ៍ថា ទាហានស៊ីរី ២នាក់រងរបួសក្នុងការវាយប្រហារតាមអាកាសដែលកំណត់គោលដៅទៅលើទីតាំងយោធានៅខេត្តឌៀរ អាលហ្ស័រ ភាគខាងកើតប្រទេសស៊ីរីកាលពីរសៀលថ្ងៃចន្ទ។
ការវាយប្រហារតាមអាកាសត្រូវបានធ្វើឡើងនៅម៉ោងប្រមាណជា ២៣:៥០នាទី នៅក្នុងទីក្រុងឌៀរ អាលហ្ស័រ ហើយការវាយប្រហារបណ្តាលឱ្យខូចខាតសម្ភារៈមួយចំនួនផងដែរ។
នៅក្នុងសេចក្តីថ្លែងការណ៍មិនមានផ្តល់នូវព័ត៌មានលម្អិតបន្ថែមនោះទេ។
អស់រយៈពេលជាច្រើនឆ្នាំមកហើយ ប្រទេសអ៊ីស្រាអែលបានធ្វើការវាយប្រហារជាច្រើនលើកប្រឆាំងទៅនឹងអ្វីដែលពួកគេចាត់ទុកថាជាទីតាំងដែលប្រើប្រាស់ដោយយុទ្ធជនស៊ីអ៊ីតគាំទ្រដោយកម្លាំងអ៊ីរ៉ង់នៅក្នុងប្រទេសស៊ីរី ក្នុងនោះរួមមានអាកាសយាន្តដ្ឋាន និងមូលដ្ឋានយោធាដែលគេចោទប្រកាន់ថាជាឃ្លាំងផ្ទេរអាវុធ៕
ប្រភព Xinhua ចុះផ្សាយថ្ងៃទី០៣ ខែតុលា ឆ្នាំ២០២៣
