ប្រទេសអ៊ីរ៉ង់៖ ភ្នាក់ងារសារព័ត៌មានថាស់ន៉ីមពាក់កណ្តាលផ្លូវការបានរាយការណ៍កាលពីថ្ងៃអង្គារថា កម្លាំងចារកម្មអ៊ីរ៉ង់បានចាប់ខ្លួនសមាជិកក្រុមភេរវករដែលមានទំនាក់ទំនងជាមួយក្រុមឧទ្ទាមរដ្ឋអ៊ីស្លាម IS ចំនួន ៧នាក់ នៅភាគអាគ្នេយ៍ខេត្តកឺម៉ាន។
ភ្នាក់ងារសារព័ត៌មានស្រង់សម្តីលោក មេហឌី បាកស្ហី រដ្ឋអាជ្ញាខេត្តកឺម៉ានមានខ្លឹមសារថា
បណ្តាញក្រុមភេរវករបានព្យាយាមបង្កអសន្តិសុខនៅក្នុងប្រទេស ប៉ុន្តែត្រូវបាន
បង្ក្រាបក្នុងប្រតិបត្តិការរួមគ្នាមួយដែលធ្វើឡើងដោយកងកម្លាំងនៃការិយាល័យចារកម្មខេត្ត និងអង្គភាពស៊ើបការណ៍សម្ងាត់នៃឆ្មាំបដិវត្តន៍អ៊ីស្លាមកាលពីប៉ុន្មានថ្ងៃមុន។
លោកបានបន្ថែមថា ក្រុមភេរវករដែលចាប់ខ្លួនបានទាំងនោះ នឹងត្រូវនាំយកទៅកាត់ទោសក្នុងពេលឆាប់ៗ៕
ប្រភពព័ត៌មាន Xinhua ចុះផ្សាយថ្ងៃទី៣ ខែតុលា ឆ្នាំ២០២៣
