ប្រទេសអ៊ីស្រាអែល៖ ទាហានស៊ីរីបានប្រកាសនៅក្នុងសេចក្តីថ្លែងការណ៍កាលពីថ្ងៃចន្ទ ទី៣០ ខែតុលា ថាទីតាំងយោធាជាច្រើនកន្លែងនៅភាគខាងត្បូងនៃខេត្តដារ៉ា រងការវាយប្រហារតាមអាកាសក្នុងពេលមួយយប់របស់អ៊ីស្រាអែល។
សេចក្តីថ្លែងការណ៍មានខ្លឹមសារបន្ថែមថា ការវាយប្រហារនេះត្រូវបានបាញ់ចេញពីតំបន់ហ្គូលេនហាយ ដែលអ៊ីស្រាអែលគ្រប់គ្រង ដែលបង្កឱ្យខូចខាតទីតាំងជាច្រើន។
ខាងអ៊ីស្រាអែលរាយការណ៍ថា បានបាញ់គ្រាប់មីស៊ីលកាលពីយប់ថ្ងៃអាទិត្យ ទី២៩ ខែតុលា ដោយកំណត់គោលដៅទៅលើតំបន់មួយចំនួនក្នុងខេត្តដារ៉ា ដើម្បីឆ្លើយតបទៅកាន់ការវាយប្រហារដោយគ្រាប់រ៉ូកែតចេញពីប្រទេសស៊ីរី ទៅតំបន់ ហ្កូលេន ហាយ។
សូមបញ្ជាក់ផងដែរថា ភាពតានតឹងរវាងកម្លាំងអ៊ីស្រាអែល និងស៊ីរី បានកើតឡើងនៅពេលដែលកម្លាំងយោធាអ៊ីស្រាអែលបង្កើនប្រតិបត្តិការលើដីនៅក្នុងតំបន់ហ្កាហ្សាស្ទ្រីប៕
ប្រភពព័ត៌មាន Xinhua ចុះផ្សាយថ្ងៃទី៣០ ខែតុលា ឆ្នាំ២០២៣
