ទីក្រុងអ៊ីស្លាម៉ាបាដ៖ យោងតាមប្រភពផ្លូវការបានឲ្យដឹងថា យ៉ាងហោចណាស់មនុស្ស៥នាក់ស្លាប់ និង៥នាក់ផ្សេងទៀតរងរបួសដោយការផ្ទុះមួយកើតឡើងនៅជិតកន្លែងបាតុកម្មនយោបាយមួយ ក្នុងខេត្តបាឡូជីស្ថាន ភាគនិរតីប៉ាគីស្ថាន កាលពីថ្ងៃអង្គារនេះ។
ប្រភពបានប្រាប់ភ្នាក់ងារសារព័ត៌មានថា ហេតុការណ៍នេះបានកើតឡើងកាលពីវេលាម៉ោង៥:៣៥នាទីល្ងាច ម៉ោងក្នុងស្រុក នៅពេលដែលគ្រឿងផ្ទុះបំពាក់នៅលើម៉ូតូផ្ទុះឡើងនៅស្រុកស៊ីប៊ីនៃខេត្តបាឡូជីស្ថាន។
ប្រភពបានបន្ថែមទៀតថា បាតុកម្មរបស់គណបក្សប៉ាគីស្ថានតេហរិច-អ៊ី-អ៊ីសាហ្វ (PTI) គឺជាគោលដៅក្នុងការវាយប្រហារនេះ។
សូមបញ្ជាក់ថា អ្នករបួសត្រូវបានបញ្ជូនទៅមន្ទីរពេទ្យនៅជិតនោះ ដែលអ្នករបួស៣នាក់ក្នុងចំណោមនោះរងរបួសធ្ងន់ធ្ងរ នេះបើតាមសម្តីរបស់មន្ត្រីដែលគាត់បានបន្ថែមថាតំបន់នោះត្រូវបានហំព័ទ្ធដើម្បីស៊ើបអង្កេត។ គិតត្រឹមម៉ោងនេះគ្មានក្រុមណាអះអាងទទួលខុសត្រូវចំពោះការវាយប្រហារនេះទេ៕
ប្រភព Xinhua ចុះផ្សាយថ្ងៃទី៣០ ខែមករា ឆ្នាំ២០២៤
