ទីក្រុងបូហ្គោតា៖ យោងតាមប្រភពប្រព័ន្ធផ្សព្វផ្សាយក្នុងស្រុកបានរាយការណ៍ មនុស្ស៤នាក់ស្លាប់ និង៣នាក់ទៀតរងរបួសនៅក្នុងហេតុការធ្លាក់ឧទ្ធម្ភាគចក្រយោធា នៅតំបន់ព្រំដែនរវាងប្រទេសកូឡុំប៊ីនិងប៉ាណាម៉ា កាលពីថ្ងៃចន្ទនេះ។
យោងតាមប្រភពនៃប្រព័ន្ធផ្សព្វផ្សាយ អែល ធីមប៉ូ, រេដ ម៉ាស និងប្រព័ន្ធផ្សព្វផ្សាយផ្សេងទៀតបានដកស្រង់សម្តីយោធាដែលនិយាយថា ឧទ្ធម្ភាគចក្រឈ្មោះស្ទាំងពណ៍ខ្មៅ បានដឹកអ្នកដំណើរ៧នាក់ ក្នុងនោះមានសមាជិកនាវិក៤នាក់ និងអ្នកដំណើរ៣នាក់ធ្លាក់ក្នុងពេលធ្វើសមយុទ្ធចុះចតនៅមូលដ្ឋានយោធា។
កងទ័ពជាតិកូឡុំប៊ីបាននិយាយនៅក្នុងសេចក្តីថ្លែងការណ៍មួយថា នៅក្នុងតំបន់ទូទៅនៃមូលដ្ឋានទ័ពទ្វេជាតិ Cuti យន្តហោះមួយគ្រឿងទំនងជាជួបឧបទ្ទវហេតុ ដោយបន្ថែមថាពួកគេក៏បានទំនាក់ទំនងជាមួយអាជ្ញាធរប៉ាណាម៉ា ដើម្បីផ្ទៀងផ្ទាត់ផងដែរ៕
ប្រភព Xinhua ចុះផ្សាយថ្ងៃទី៦ ខែកុម្ភៈ ឆ្នាំ២០២៤
