ប្រទេសអាហ្វហ្កានីស្ថាន៖ ក្រសួងមហាផ្ទៃបាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា មន្ត្រីរបស់អង្គភាពប្រឆាំងភេរវកម្មបានរកឃើញអាវុធ និងគ្រាប់រំសេវជាច្រើននៅខេត្តហារ៉ាត ភាគខាងលិចប្រទេសអាហ្វហ្កានីស្ថាន។
សេចក្តីថ្លែងការណ៍មានខ្លឹមសារថា ការជួញដូរខុសច្បាប់ដែលរួមមានកាំភ្លើង២០ដើម កាំភ្លើងអាកា៤ដើម កាំភ្លើងស៊ីប៨ដើម សំបកគ្រាប់ និងគ្រាប់កាំភ្លើងជាច្រើនគ្រាប់ និងឧបករណ៍យោធាដែលរក្សាទុកដោយខុសច្បាប់ផ្សេងទៀត ត្រូវបានរឹបអូសអំឡុងពេលប្រតិបត្តិការនៅក្នុងស្រុកផ្សេងៗគ្នានៃខេត្តនេះនៅក្នុងរយៈពេល៦ខែកន្លងមកនេះ។
សម្ភារៈយោធាត្រូវបានប្រគល់ទៅឱ្យអាជ្ញាធរពាក់ព័ន្ធ នេះបើតាមសេចក្តីថ្លែងការ ដោយមិនបានផ្តល់ព័ត៌មានលម្អិតថានរណាខ្លះត្រូវបានចាប់ខ្លួនពីបទរក្សាទុកអាវុធនិងគ្រាប់រំសេវខុសច្បាប់។
ក្រសួងបាននិយាយនៅក្នុងសេចក្តីថ្លែងការណ៍ដាច់ដោយឡែកមួយថា ក្រៅពីនេះ ប៉ូលិសអាហ្វហ្កានីស្ថានបានរឹបអូសអាវុធធុនស្រាល និងធុនធ្ងន់ជាច្រើន ក៏ដូចជាគ្រាប់រំសេវនៅខេត្តសាម៉ានហ្កានភាគខាងជើង និងខេត្តនីមរូហ្សភាគខាងលិចប្រទេស។
រដ្ឋាភិបាលបណ្តោះអាសន្នអាហ្វហ្គានីស្ថានបានប្រមូលអាវុធរាប់ពាន់ដើម និងគ្រាប់រំសេវដ៏ច្រើនសន្ធឹកសន្ធាប់ ដែលជាផ្នែកមួយនៃកិច្ចខិតខំប្រឹងប្រែងដើម្បីរក្សាស្ថិរភាពស្ថានការណ៍សន្តិសុខនៅទូទាំងប្រទេសដែលរងគ្រោះដោយសង្គ្រាម៕
