ប្រទេសឥណ្ឌា៖ មន្ត្រីបាននិយាយនៅថ្ងៃពុធថា មេបញ្ជាការជាន់ខ្ពស់របស់ក្រុមណាហ្សាលត្រូវបានសម្លាប់ក្នុងជម្លោះប្រដាប់អាវុធយ៉ាងសាហាវជាមួយប៉ូលិសនៅរដ្ឋចាខេន ភាគខាងកើតប្រទេសឥណ្ឌា។
ជម្លោះប្រដាប់អាវុធនេះបានផ្ទុះឡើងនៅយប់ថ្ងៃអង្គារ ក្នុងស្រុកហ្កូមឡាដែលមានចម្ងាយប្រមាណ៧១គីឡូម៉ែត្រ ភាគនិរតីទីក្រុងរ៉ានជី ដែលជារាជធានីរបស់រដ្ឋចាខេន។
បើតាមប្រភពពីប៉ូលិសបានឱ្យដឹងថា មេបញ្ជាការដែលស្លាប់នេះមានតម្លៃខ្លួន១.៥លានរូពី (១៧.០៩៥ ដុល្លារអាមេរិក) ជារង្វាន់សម្រាប់អ្នកដែលយកជីវិតគាត់បាន។ ប៉ូលិសបានអះអាងថាបានរឹបអូសអាវុធនិងគ្រាប់រំសេវជាច្រើនពីទីតាំងកើតហេតុ៕
