ប្រទេសឥណ្ឌា៖ ប៉ូលិសមូលដ្ឋានបាននិយាយថា សមាជិកសន្តិសុខម្នាក់ស្លាប់ និង៣នាក់ផ្សេងទៀតរងរបួសក្នុងការបំផ្ទុះគ្រឿងផ្ទុះកែច្នៃ ដែលគេចោទប្រកាន់ថាធ្វើឡើងដោយក្រុមណាហ្សាលនៅក្នុងរដ្ឋឆាតធីសហ្កា ប្រទេសឥណ្ឌាកាលពីថ្ងៃចន្ទនេះ។
ឧបទ្ទវហេតុនេះបានកើតឡើងនៅក្នុងតំបន់ឧទ្យានជាតិនៃស្រុកប៊ីចាផួរ នៃរដ្ឋឆាតធីសហ្កានៅពេលដែលកម្លាំងសន្តិសុខមកពីអង្គភាពប៉ូលិសពិសេសកំពុងធ្វើប្រតិបត្តិការប្រឆាំងនឹងក្រុមណាហ្សាល។
អ្នករងរបួសត្រូវបានបញ្ជូនទៅកាន់មន្ទីពេទ្យក្នុងស្រុក៕
