កូឡុំប៊ី៖ យោងតាមការិយាល័យអភិបាលក្រុងបានឱ្យដឹងថា មនុស្ស៥នាក់ត្រូវបានសម្លាប់ និង៣៦នាក់ផ្សេងទៀតរងរបួសក្នុងការវាយប្រហារដោយគ្រឿងផ្ទុះនៅជិតមូលដ្ឋានទ័ពអាកាសម៉ាក្រូ ហ្វីដែល សូរ៉េហ្ស នៅក្នុងទីក្រុងកាលី ប្រទេសកូឡុំប៊ីកាលពីថ្ងៃព្រហស្បតិ៍នេះ។
“ការវាយប្រហារភេរវកម្ម” នេះត្រូវបានធ្វើឡើងដោយប្រើប្រាស់គ្រាប់បែក កើតឡើងនៅម៉ោងប្រមាណ២:៥០នាទី នេះបើយោងតាមកងកម្លាំងទ័ពអវកាសកូឡុំប៊ី (FAC) ដែលបានបញ្ជាក់ជាថ្មីពីការប្តេជ្ញាចិត្តរបស់ខ្លួនចំពោះសុវត្ថិភាពរបស់ប្រជាជនកូឡុំប៊ី។
ការិយាល័យអភិបាលក្រុងបាននិយាយថា “ប៉ុស្តិ៍បញ្ជាការបង្រួបបង្រួមនៅតែមមាញឹក ហើយអង្គការសង្គ្រោះទាំងអស់កំពុងឆ្លើយតបទៅនឹងភាពអាសន្ននេះ។”
FAC បាននិយាយថា កិច្ចការផ្ទៀងផ្ទាត់ការខូចខាតសម្ភារៈបរិក្ខារ និងបុគ្គលកំពុងដំណើរការ បន្ថែមពីលើការស៊ើបអង្កេតដើម្បីកំណត់មូលហេតុ និងជនល្មើសនៃការវាយប្រហារនេះ៕
