ប្រទេសប៉ាគីស្ថាន៖ ប៉ូលិសនិយាយថា ប៉ូលិសម្នាក់ស្លាប់ និងយ៉ាងហោចណាស់៣នាក់ផ្សេងទៀតរងរបួសក្នុងការវាយប្រហារដោយគ្រាប់បែកទៅលើរថយន្តប៉ូលិសនៅខេត្តខាយប័រ ផាកថុនវ៉ា ភាគពាយ័ព្យប្រទេសប៉ាគីស្ថានកាលពីថ្ងៃព្រហស្បតិ៍។
មន្ត្រីប៉ូលិសក្រុងប៉េស្ហាវ៉ា លោក មាន សាអ៊ីដ អាម៉ាដ បានប្រាប់អ្នកយកព័ត៌មានថាឧបទ្ទវហេតុនេះបានកើតឡើងនៅតំបន់កាមារ ឌីន ឆូក ទីក្រុងប៉េស្ហាវ៉ា។
មន្ត្រីដដែលនិយាយថា ហេតុការណ៍ផ្ទុះនេះបានកើតឡើងនៅពេលដែលគ្រាប់បែកកែច្នៃផ្ទុះនៅជិតរថយន្តប៉ូលិសដែលកំពុងបំពេញតួនាទីល្បាតប្រចាំថ្ងៃនៅតំបន់ផ្សារ។
បន្ទាប់ពីហេតុការណ៍ផ្ទុះនេះ ប៉ូលិសបានរាយខ្សែរង្វង់សុវត្ថិភាពបិទទីតាំងកើតហេតុ ហើយបើកប្រតិបត្តិការរុករកនៅក្នុងជុំវិញតំបន់នោះដើម្បីតាមចាប់ជនល្មើស។
ពុំទាន់មានក្រុមណាមួយអះអាងទទួលខុសត្រូវចំពោះការវាយប្រហារនេះនៅឡើយទេ៕
