ជនជាតិឥណ្ឌូនេស៊ី ៤នាក់ត្រូវឃាត់ខ្លួនខណៈដែលកំពុងធ្វើដំណើរទៅចូលរួមជាមួយពួក ISIS

ប្រភពព័ត៌មានពី The Straits Times ចេញផ្សាយថ្ងៃទី ២៣ ខែ កុម្ភៈ ឆ្នាំ ២០១៦

ជនសង្ស័យ ៤នាក់រួមជាទាំងក្មេងប្រុសអាយុ ១៥ឆ្នាំម្នាក់ត្រូវឃាត់ខ្លួននៅឯ Woodlands។ អាជ្ញាធរប្រទេសសឹង្ហបុរីឃាត់ខ្លួនជនសង្ស័យ ៤នាក់ដែលមានសញ្ជាតិឥណ្ឌូនេស៊ី ដែលគេជឿថាកំពុងធ្វើដំណើរយ៉ាងប្រញាប់ប្រញាល់ដើម្បីទៅតំបន់មជ្ឈឹមបូពា៌ដើម្បីចូលរួមចលនារបស់ម៉ូស្លីមក្នុងក្រុមភារវករនៅប្រទេសអ៊ីរ៉ាក់ និងក្នុងប្រទេសសេរ៉ី (ISIS)។ ប្រភពព័ត៌មានមួយទៀតបានប្រាប់មកកានកាសែត The Straits Times កាលពីថ្ងៃច័ន្ទថា ក្នុងចំណោមជនសង្ស័យក្នុងនោះមានក្មេងប្រុសម្នាក់ទៀតដែលមានអាយុ ១៥ឆ្នាំ ត្រូវចាប់ខ្លួននៅឯ Woodlands Checkpoint ខណៈដែលពួកគេកំពុងតែធ្វើដំណើរឆ្លងក្នុងប្រទេសសឹង្ហបុរីក្រោយពេលត្រឡប់មកពី Johor វិញ។ ក្រុមជនសង្ស័យដែលចាប់បានមានឈ្មោះថា Muhammad Mufid Murtadho, Untung Sugema Mardjuk, Mukhlis Koifur Rofiq និង Risno ដោយពួកគេត្រូវបាន Aman Abdurrahman ប្រើមនោគមន៍ នេះបើយោងតាមការអះអាងរបស់ប៉ូលីសឥណ្ឌូនេស៊ីលោក Badrodin Haiti​ កាលពីថ្ងៃចន្ទ។ យោងតាមការស៊ើបអង្កេតរបស់មន្រ្តីប៉ូលីសបានតម្រុយថា Aman អាចជាប់ទាក់ទងក្នុងការបញ្ជាវាយប្រហារកាលពីថ្ងៃទី ១៤ ខែមក្ករា ក្នុងក្រុងចាកាតា ដោយធ្វើឡើងចេញពីក្នុងគុកនៅក្រុង Nusakambangan ប៉ុន្តែសម្រាប់បុរស ៣នាក់ និងក្មេងប្រុសម្នាក់ទៀតពុំទាន់ប្រាកដថាមានជាប់ទាក់ទងលើការវាយប្រហារក្នុងទីក្រុងនេះនៅឡើយទេ។ បុរសទាំងបួននាក់ត្រូវចាប់ខ្លួនភ្លាមៗដោយប៉ូលីសឥណ្ឌូនេស៊ី នៅលើកោះ Batam កាលពីថ្ងៃអាទិត្យ នៅពេលដែលពួកគេបានឈប់ដំណើរនៅចំណុច Woodlands។ ប្រធានប៉ូលីសក្រុង Barelang លោក Helmy Santika បានប្រាប់អ្នកយកការណ៍ថាពួកគេត្រូវមន្រ្តីអន្តោប្រវេស្តន៍របស់ប្រទេសសឹង្ហបុរីឃុំខ្លួនព្រោះតែប៉ូលីសសង្ស័យលើដំណើររបស់ពួកគេ។ មន្ត្រីប៉ូលីសបានបន្ថែមទៀតថាពួកគេបានចំណាយពេលធ្វើដំណើរដោយឆ្លងសាឡាងពី Batam ទៅកាន់សឹង្ហបុរី មានរយៈពេល ២ថ្ងៃមកហើយ ទម្រាំចូលទៅដល់ Johor។ លោកស្នងកា Helmy បាននិយាយថាក្រោយពីពួកគេទៅដល់ទីនោះប៉ុន្មានម៉ោង ស្រាប់តែពួកគេត្រលប់មកប្រទេសសឹង្ហបុរីវិញ។ ពួកគេត្រូវបានសួរចម្លើយអស់រយៈពេលប្រាំម៉ោងក្នុង Batam មុនពេលបញ្ចូនទៅក្រុងចាកាតាក្រោមការយាមកាមដ៏តឹងរឹង។ លោកស្នងការបានឱ្យដឹងបន្ថែមទៀតថា ការស៊ើបអង្កេតស្ថិតក្នុងដំណាក់កាលសួរឱ្យដឹងពីការចូលទៅកាន់ប្រទេសសេរីដោយរបៀបណា។ បើសិនជាមានបណ្តាញរបស់ ISIS យើងនឹងធ្វើការជាមួយ Densus ៨៨ គាត់សំដៅដល់អង្គភាពប្រឆាំងភារវកម្មរបស់ឥណ្ឌូនេស៊ី ដែលគេហៅថា Detachment 88។ បុរសទាំងបួននាក់នោះមកពីក្រុងចាកាតាក្នុងតំបន់ Bekasi ជ្វាខាងលិច និង Purbalingga ជ្វាកណ្តាល ហើយក្នុងចំណោមជនទាំងនោះមាន ២នាក់ជាប់ទាក់ទង។ ពួកគេទាំងអស់ធ្លាប់បានចូលរួមធម្មយាត្រាតូចៗរបស់អ៊ីស្លាមទៅកាន់ Mecca ចំនួន៣ដង ហើយក្នុងចំណោម៤នាក់នោះក៏មានម្នាក់ធ្លាប់ទៅប្រទេសសេរីដែលមានរយៈពេលប្រហែល២សប្តាហ៍ នេះបើយោងតាមការបំភ្លឺបន្ថែមពីលោក Helmy ។ រាជរដ្ឋាភិបាលគ្រោងនឹងផ្តល់កញ្ចប់ថវិការចំនួន ១.៩ពាន់លានរ៉ូពី ស្មើរនឹង១៩៨លានដុល្លារដើម្បីតម្លើងថានៈរបស់អង្គភាព Densus ៨៨ ក្រោយពីមានការវាយប្រហារលើទីក្រុងចាកាតាកាលពីខែមុន។ ប៉ូលីសឥណ្ឌូនេស៊ីបានចាប់ខ្លួនជនសង្ស័យចំនួន ២៥នាក់ ដែលមានជាប់ទាក់ទងជាមួយការវាយប្រហារថ្មីក្នុងក្រុងចាកាតា។ ប្រទេសឥណ្ឌូនេស៊ីជាប្រទេសដែលមានចំនួនប្រជាជនជាជនជាតិមូស្លីមច្រើនបំផុតលើពិភពលោក ដែលត្រូវអនុម័តច្បាប់ថ្មីដើម្បីផ្តល់ឱ្យភ្នាក់ងារផ្នែកសន្តិសុខជាតិមានអំណាចកាន់តែច្រើនក្នុងការចូលទៅដោះស្រាយអំពើភេរវកម្ម។ សេចក្តីព្រាងចុងក្រោយនៃច្បាប់នេះត្រូវបានអនុម័តដោយលោកប្រធានាធិបតី Joko Widodo និងបន្តអនុម័តដោយរដ្ឋសភានៅដើមខែមេសាខាងមុខនេះ ។