ប្រភពព័ត៌មានពីរយទ័រ ចេញផ្សាយថ្ងៃទី ១៩ ខែមីនា ឆ្នាំ២០១៦
យោងទៅតាមរដ្ឋមន្ត្រីក្រសួងដឹកជញ្ជូនរុស្សី លោក ម៉ាក់ស៊ីម សូកូលូវ បានអោយដឹងថាអប់ខ្មៅ២ របស់យន្តហោះហ្វ្លាយឌូបៃ (Flydubai)៩៨១ ត្រូវគេរកឃើញ និងបានបញ្ជូនទៅកាន់ទីក្រុង ម៉ូស្គូ។ យន្តហោះហ្វ្លាយឌូបៃ (Flydubai) ៩៨១ បានធ្លាក់នៅផ្លូវយន្តហោះហោះឡើងនៅអាកាសយានដ្ឋានរ៉ូសតូវអនដុននៅពេលវេលាម៉ោង ៣:៥០នាទី ថ្ងៃសៅរ៍ ខណៈដែលធ្វើការព្យាយាមជាលើកទី២ ដើម្បីចុះចតចំពេលដែលមានអាកាសធាតុពិបាកមើលឃើញដោយសារមានភ្លៀងធ្លាក់ខ្លាំងបណ្តាលអោយអ្នកដំណើរទាំង ៦២នាក់ស្លាប់។ លោក សូកូលូវ បាននិយាយថាយើងបានបញ្ជូនបុគ្គលិក ៨៥០នាក់ពីក្រសួងស្ថានភាពបន្ទាន់ និងឧបករណ៍បច្ចេកទេសគ្រប់គ្រាន់ប្រមូលសាកសព ហើយដំណើរការនេះនឹងធ្វើឡើងរយៈពេលមួយយប់ ដូច្នេះព្រលានយន្តហោះនេះនឹងប្រតិបត្តិការធម្មតាវិញនៅថ្ងៃចន្ទ។ អ្នកជំនាញបាននិយាយថាការបកស្រាយអក្សរសំងាត់ និងការវិភាគប្រអប់ខ្មៅទាំងពីរនឹងចាប់ផ្តើមខណៈដែលការងារផ្ដល់សំណងដល់គ្រួសារជនរងគ្រោះបានដំណើរការរួចទៅហើយ។ ចំណែកសមាជិកក្រុមគ្រួសារនៃជនរងគ្រោះជាច្រើននាក់បានដាក់ផ្កា និងអុជទៀននៅព្រលានយន្តហោះ ដើម្បីកាន់ទុក្ខការស្លាប់នេះ។
