ប្រភពព័ត៌មានពី NHK ចេញផ្សាយថ្ងៃទី ២៤ ខែមីនា ឆ្នាំ២០១៦
អាជ្ញាធរសន្តិសុខប្រទេសទួរគីរាយការណ៍ថាពួកគេបានឃុំខ្លួនមនុស្សយ៉ាងហោច ១៣នាក់ ហើយជនសង្ស័យទាំងនោះរួមមានអ្នកដែលមានទំនាក់ទំនងទៅនឹងក្រុមសកម្មប្រយុទ្ធរដ្ឋអ៊ីស្លាម។ ទីភ្នាក់ងារព័ត៌មានក្នុងស្រុកបាននិយាយថាមនុស្ស ៣នាក់រួមទាំងជនជាតិស៊ីរី និងជនជាតិអ៊ីរ៉ាក់ត្រូវចាប់ខ្លួនក្នុងទីក្រុងអ៊ីស្តង់ប៊ុល ហើយពួកគេត្រូវគេចោទប្រកាន់លើករណីគ្រោងវាយប្រហារលើគោលដៅជាច្រើនរួមទាំងអគ្គកុងស៊ុលមួយនៅប្រទេសអាល្លឺម៉ង់ និងសាលារៀន។ ដោយឡែកនៅភាគអាគ្នេយ៍ខេត្តហ្គាហ្សៀនតេប អាជ្ញាធរបានឃុំខ្លួនមនុស្សប្រមាណ ១០នាក់ដែលមានទំនាក់ទំនងជាមួយនឹងក្រុមរដ្ឋអ៊ីស្លាម ហើយជនសង្ស័យព្យាយាមធ្វើដំណើរចូលទៅក្នុងប្រទេសទួរគីដោយខុសច្បាប់ពីប្រទេសស៊ីរី ដែលជនសង្ស័យម្នាក់ក្នុងចំណោមនោះមានឧបករណ៍បំផ្ទុះសំរាប់ការវាយប្រហារអត្តឃាត។ គួរបញ្ជាក់ថាមនុស្សប្រមាណ ១៨០នាក់ត្រូវសម្លាប់ក្នុងការវាយប្រហារភេរវកម្មក្នុងប្រទេសទួរគីក្នុងរយៈពេល ៦ខែចុងក្រោយនេះ ។
![Turkey 24-03-16](https://i0.wp.com/www.cdn.nctc.gov.kh/2016/03/Turkey-24-03-16.jpg?resize=570%2C380)