ប្រភពព័ត៌មានពី Reuters ចេញផ្សាយថ្ងៃទី២៣ ខែមីនា ឆ្នាំ២០១៦
នាយករដ្ឋមន្រ្តីទួរគី លោក អាមិត ដាវុតូក្លូ (Ahmet Davutoglu) និយាយថាតំបន់អឺរ៉ុបមិនមានដៃគូផ្សេងទៀតក្រៅពីប្រទេសទួរគីទេ ដើម្បីផ្តល់សន្តិសុខក្នុងតំបន់ ហើយលោកនៅតែនិយាយដដែលៗពីតម្រូវការសម្រាប់តំបន់សុវត្ថិភាពនៅក្នុងប្រទេសស៊ីរី។ លោក ដាវុតូក្លូ បានធ្វើសេចក្តីថ្លែងការណ៍នេះ បន្ទាប់ពីការបំផ្ទុះគ្រាប់បែកអត្តឃាតនៅព្រលានយន្តហោះទីក្រុងព្រុយសែល និងនៅរថភ្លើងក្រោមដីដែលបានសម្លាប់មនុស្សជាង ៣០នាក់។ លោកប្រាប់សមាជិកនៃបក្សកាន់អំណាចរបស់លោកក្នុងទីក្រុងអង់ការ៉ាថាតំបន់អឺរ៉ុបគួរតែស្វែងរកសន្តិសុខនៅក្នុងដំណោះស្រាយបណ្តោះអាសន្ន ឬ ប្រតិបត្ដិការដែលមានស្រាប់។ លោកបានបន្តថាថ្ងៃដែលប្រទេសក្នុងពិភពលោកមិនមើលឃើញពីភាពខុសគ្នារវាងគណបក្សពលករឃើដ និងក្រុមរដ្ឋអ៊ីស្លាមតំបន់អឺរ៉ុបនឹងក្លាយជាកន្លែងមានសុវត្ថិភាពសំរាប់ពួកគេ ហើយសន្តិសុខតំបន់អឺរ៉ុបចាប់ផ្តើមពីប្រទេសទួរគីជាតំបន់ដែលមានសុវត្ថិភាព ។
