ប្រភពព័ត៌មានពី Reuters ចេញផ្សាយថ្ងៃទី ០១ ខែមីនា ឆ្នាំ ២០១៦
ក្រសួងមហាផ្ទៃរបស់ប្រទេសរុស្ស៊ីបានបញ្ចេញខ្សែអាត់វីដេអូមួយបង្ហាញអំពីប្រតិបត្តិការឆ្មក់ចាប់ខ្លួនជនសង្ស័យ ១៦៧នាក់នៅក្នុងភោជនីយដ្ឋានមួយកន្លែងស្ថិតនៅភាគកណ្ដាលទីក្រុង យ៉េកាតឺរីនស្បើក (Yekaterinburg) ជាកន្លែងលាក់ខ្លួនរបស់សមាជិកក្រុមអ្នកលេងនៅក្នុងតំបន់។ ក្រសួងមហាផ្ទៃបញ្ជាក់ថាអាជ្ញាធររុស្ស៊ីសង្ស័យថាភោជនីយដ្ឋាននោះជាកន្លែងដែលមេខ្លោងក្រុមអ្នកលេងទាំងឡាយជួបជុំគ្នារៀបចំផែនការប្រព្រឹត្តឧក្រិដ្ឋកម្មនៅក្នុងតំបន់អ៊ូរ៉ាល់។ ក្រុមអាវុធ និងយុទ្ធសាស្ត្រពិសេសដែលគេស្គាល់ថាស្វាតធីម (SWAT teams) រួមជាមួយនឹងភ្នាក់ងារជាច្រើនមកពីអង្គភាពប្រឆាំងក្រិដ្ឋកម្មបានឡោមព័ទ្ធរួចហើយសម្រុកចូលទៅក្នុងទីតាំងដែលជនសង្ស័យលាក់ខ្លួនរឹបអូសបានកាំភ្លើងខ្លី ៤ដើម, កាំបិត ១៤, ដំបងឈឺមួយ និងដំបងជ័រមួយ ថ្នាំញៀនមួយកញ្ចប់ និងសារធាតុស្រវឹងជាច្រើន។ មនុស្សទាំង ១៦៧នាក់ត្រូវបានគេនាំទៅធ្វើការសាកសួរដើម្បីកំណត់អត្តសញ្ញាណ និងបន្តការស៊ើបអង្កេត។
