ប្រភពព័ត៌មានពី NBC News ចេញផ្សាយថ្ងៃទី០១ ខែមេសា ឆ្នាំ២០១៦
ក្រសួងការពារជាតិរបស់ប្រទេសកូរ៉េខាងត្បូងនិយាយថាប្រទេសកូរ៉េខាងជើងបានបាញ់មីស៊ីលរយៈចម្ងាយខ្លីទៅលើអាកាសឆ្ពោះទៅកាន់សមុទ្រប្រទេសជប៉ុន។ មន្រ្តីក្រសួងបានឱ្យដឹងថាមីស៊ីលនេះត្រូវបានគេបាញ់ចេញពីក្បែរព្រលានយន្តហោះ សុនដុក នៅភាគ ខាងកើតខេត្តហាមយ៉ុង ហើយបានធ្លាក់ចូលនៅក្នុងសមុទ្រនៃប្រទេសជប៉ុន។ ទីភ្នាក់ងារព័ត៌មាន យ៉ុនហាប់ និយាយថាមីស៊ីលនេះបានហោះក្នុងចម្ងាយប្រហែល ១០០គីឡូម៉ែត្រ ហើយមន្រ្តីក្រសួងការពារជាតិកូរ៉េខាងត្បូងកំពុងធ្វើការវិភាគលើព័ត៌មាននេះ។ ថ្មីៗនេះ ប្រទេសកូរ៉េខាងជើងបានបាញ់គ្រាប់ផ្លោងជាច្រើនលើក ហើយកាលពីខែមីនា កូរ៉េខាងជើងបានបាញ់មីស៊ីលផ្លោងរយៈចំងាយខ្លីស្កាត់មីស៊ីលផ្លោងរយៈចម្ងាយមធ្យមរ៉ូដុង និងគ្រាប់រ៉ុក្កែតប្រភេទថ្មី។ មន្ត្រីកូរ៉េខាងត្បូងនិយាយថាពួកគេបានបង្កើនការប្រុងប្រៀបរបស់ពួកគេ ខណៈកូរ៉េខាងជើងអាចនឹងព្យាយាមបង្កហេតុបន្ថែមទៀត ខណៈដែលកិច្ចប្រជុំកំពូលសន្តិសុខនុយក្លេអ៊ែរកំពុងដំណើរការនៅទីក្រុងវ៉ាស៊ីនតោន។
![Missile 02-04-16](https://i0.wp.com/www.cdn.nctc.gov.kh/2016/04/Missile-02-04-16.jpg?resize=570%2C380)