ប្រភពព័ត៌មានពី CNN ចេញផ្សាយថ្ងៃទី ១០ ខែមេសា ឆ្នាំ២០១៦
យ៉ាងហោចណាស់មនុស្ស ៣នាក់ស្លាប់ក្នុងការបំផ្ទុះគ្រាប់បែកក្នុងរថយន្តមួយនៅក្រៅភោជនីយដ្ឋានមួយក្នុងទីក្រុងម៉ូហ្គាឌីស្យូ ប្រទេសសូម៉ាលី។ ការបំផ្ទុះនេះបានកើតឡើងនាពេលថ្ងៃត្រង់នៅជិតភោជនីយដ្ឋានដ៏មាមាញឹកតូចមួយក្នុងភូមិបេយ៉ានី ស្រុកស៊ីប៊ីស បណ្តាលអោយមនុស្ស៥នាក់ផ្សេងទៀតរងរបួស។ អាជ្ញារធរក្នុងតំបន់និយាយថាភោជនីយដ្ឋាននេះត្រូវបានកំណត់គោលដៅដោយរថយន្តមានផ្ទុកគ្រឿងផ្ទុះមួយដែលបណ្តាលអោយជនស៊ីវិលស្លាប់ ៣នាក់ និងរងរបួស ៥នាក់ ។ ភោជនីយដ្ឋាននេះមានទីតាំងនៅជិតទីស្នាក់ការកណ្តាលទីភ្នាក់ងារស៊ើបការណ៍សម្ងាត់ជាតិសូម៉ាលី ខណៈដែលមិនមានក្រុមណាមួយអះអាងទទួលខុសត្រូវលើការវាយប្រហារនេះនៅឡើយទេ ប៉ុន្តែក្រុមសកម្មប្រយុទ្ធសូម៉ាលី អាល់សាបាអាប់ ត្រូវបានគេសង្ស័យថាជាអ្នកពីក្រោយការវាយប្រហារនេះដោយសារក្រុមនេះ កំពុងបង្កើនការវាយប្រហារនៅទូទាំងប្រទេស ទោះបីជាមានការរឹតបន្តឹងសន្តិសុខពីទាហានប៉ូលីស និងបេសកម្មសហភាពអាហ្វ្រិក ដើម្បីដោះស្រាយបញ្ហានេះក៏ដោយ។
