ក្រុមហេប៊ូឡា របស់ក្រុមសាសនាឥស្លាមនិកាយ ស៊ីអិត លីបង់ បានសន្យាថានឹងពង្រឹង វត្តមានរបស់ខ្លូន នៅក្នុងប្រទេសស៊ីរី និងបញ្ជូនមេដឹកនាំជាច្រើនទៀត ទៅក្នុងជំលោះនេះ រយះពេលជាង មួយសប្តាហ៍ បន្ទាប់ពីមេបញ្ជាការយោធាកំពូលរបស់ខ្លួន នៅក្នុងប្រទេសនេះ ត្រូវបានសំលាប់នៅជិត ទីក្រុងដាម៉ាស។ ការស្លាប់របស់លោក មូស្តាហ្វា បាដ្រេឌីន ដែលក្រុមហេប៊ូឡា បាននិយាយថាត្រូវបានសំលាប់ ដោយការបាញ់គ្រាប់ផ្លោង ពីក្រុមឧទ្ទាមឥស្លាមស៊ុននី គឺជាការភ្ញាក់ផ្អើលជាខ្លាំងសំរាប់មេដឹកនាំរបស់ ក្រុមដែលគាំទ្រដោយអ៊ីរ៉ាក់ និងជាច្រើនបាត់បង់ចុងក្រោយ នៃឥស្សរជនសាសនា នៅក្នុងប្រទេស ស៊ីរី។ ក្រុមហេប៊ូឡា គឺជាក្រុមយោធា និងនយោបាយ ដ៏មានអំណាចបំផុតរបស់ប្រទេសលីបង់ បានផ្តល់ ការគាំទ្រដ៏សំខាន់ ទៅកាន់ទាហានស៊ីរី រួមជាមួយកងកំលាំងអ៊ីរ៉ង់ និងកងកំលាំងអាកាសរុស្សី ហើយក្រុមនេះ បានបាត់បង់អ្នកប្រយុទ្ធប្រហែល ១២០០នាក់ នៅក្នុងជំលោះ ៥ឆ្នាំរបស់ប្រទេសស៊ីរី។ មេដឹកនាំក្រុមហេប៊ូឡា លោក ហាសាម ណាស្រាឡា បាននិយាយថា ឈាមស្រស់ដែលបាន ស្រក់ នឹងនាំអោយពួកយើង អោយមានវត្តមានខ្លាំងជាងមុខ នៅក្នុងប្រទេសស៊ីរី ដោយសារពួកយើង ជឿជាក់ថា ពួកយើងនឹងទទួលបានជ័យជំនះ ហើយពួកយើងនឹងបន្តនៅក្នុងប្រទេសស៊ីរីខ្លាំងជាងមុន។ គួរបញ្ជាក់ថា កងកំលាំងរដ្ឋាភិបាលស៊ីរី និង អ្នកប្រយុទ្ធក្រុមហេប៊ូឡា បានរឹបអូសយក ទឹកដី ពីក្រុមបះបោរវិញជាច្រើនកន្លែង នៅក្នុងប្រទេសស៊ីរី។
