ប្រភពព័ត៌មានពីមន្ត្រីសន្តិសុខ បានអោយដឹងថា ការបំផ្ទុះគ្រាប់បែកអត្តឃាតក្នុងរថយន្តមួយ ដែលអះអាងដោយក្រុមរដ្ឋឥស្លាម បានសំលាប់ទាហានជ្រើសរើសថ្មីយ៉ាងហោចណាស់ ៤០នាក់ និង ៦០នាក់ផ្សេងទៀតបានរងរបួស ដែលជាការវាយប្រហារដ៏អាក្រក់បំផុត លើរដ្ឋមន្ត្រីរដ្ឋាភិបាល។ការវាយប្រហារនេះបានកើតឡើង ខណះដែលមានការតំរង់ជួរជ្រើសរើស អ្នកចូលបំរើការយោធា នៅផ្ទះឧត្តមសេនីយ៍ជាន់ខ្ពស់ម្នាក់ ក្នុងស្រុក ខូរ ម៉ាកសារ នៃទីក្រុងអាដែន ប្រទេសយេមែន។ ទីក្រុង កំពង់ផែមួយនេះ ត្រូវបានបំរើការជា រដ្ឋធានីបណ្តោះអាសន្នរបស់ប្រទេសយេមែន គាំទ្រដោយប្រទេស អារ៉ាប៊ី សាអូឌីត ខណះដែលប្រទេសនេះ ស្វែងរកការយក ទីក្រុងសាណា ពីក្រុមប្រដាប់អាវុធហូធី មកវិញ។ នៅក្នុងសេចក្តីថ្លែងការណ៍មួយ ដែលបានបង្ហោះលើគណនីយបណ្តាញសង្គម ក្រុមរដ្ឋឥស្លាម បាននិយាយថា ការវាយប្រហារនេះ បានកំណត់គោលដៅយក ទាហានយេមែនដែលក្បត់ជំនឿ និងបានអោយឈ្មោះអ្នកវាយប្រហារថាជា អាប៊ូ អាលី អាលើ អាដេនី។ ការវាយប្រហារនេះ កើតឡើង បន្ទាប់ពីការកើនឡើងដោយកងកម្លាំងរដ្ឋាភិបាលយេម៉ែន ដែលគាំទ្រដោយប្រទេសអារ៉ាប់រួម ដែលបានបង្កើនការវាយលុក លើក្រុមសកម្មប្រយុទ្ធ អាល់កៃដានៅក្នុងទីក្រុងភាគខាងត្បូង ចាប់តាំងពីខែមុន
