យ៉ាងហោចណាស់មាននិស្សិតបួននាក់ត្រូវបានសម្លាប់ និងរាប់សិបនាក់ទៀតបានរងរបួសនៅពេលដែលប៉ូលីសនៅប្រទេសប៉ាពួញូហ្គីណេបានបាញ់ទៅលើការជួបជុំនិស្សិតសាកលវិទ្យាល័យ ដោយទាមទារឱ្យលាលែងពីតំណែងរបស់នាយករដ្ឋមន្រ្តីប្រទេសនេះ។ ប៉ូលីសនៅរដ្ឋធានី Port Moresby នៃប្រទេសប៉ាពួញូហ្គីណេបានប៉ះទង្គិចជាមួយក្រុមបាតុករ ហើយបានបាញ់ទៅលើហ្វូងមនុស្សដែលជានិស្សិតសាកលវិទ្យាល័យដែលបានព្យាយាមដង្ហែរក្បួនទៅកាន់អគារដ្ធសភារបស់ប្រទេសនេះ។ យោងតាមរបាយការណ៍បានឲ្យដឹងថាសកម្មជននិស្សិតបានស្ថិតនៅលើវិធីមួយដើម្បីធ្វើដំណើរឆ្ពោះទៅវិមានរដ្ធសភានៅក្នុងរដ្ធធានី Port Moresby ដើម្បីសម្តែងនូវការមិនពេញចិត្តចំពោះនាយករដ្ឋមន្រ្តីរបស់ប្រទេសនេះគឺលោក Peter O’Neill ក្រុមមនុស្សទាំងនោះបានធ្វើការចោទប្រកាន់អំពីអំពើពុករលួយនៅពេលនោះប៉ូលីសបានឈរជាជួរដើម្បីផ្អាកចលនារបស់ពួកគេដោយបានបាញ់ទៅហ្វូងមនុស្សដើម្បីការពារនៅពេលដែលពួកគេចាកចេញពីបរិវេណ។ ជាក់ស្តែងការបាញ់ប្រហារនេះបានចាប់ផ្តើមនៅពេលដែលនិស្សិតបានបដិសេធចំពោះច្បាប់ដែលអនុញ្ញាតបង្គាប់ឱ្យចាប់ខ្លួនប្រធានក្រុមប្រឹក្សានិស្សិត។ ប្រភពព័ត៌មានមកពីមន្ទីរពេទ្យមួយនៅក្នុងរដ្ធធានី Port Moresby បានប្រាប់ទីភ្នាក់ងារថាមានសិស្ស ១០ នាក់កំពុងស្ថិតនៅក្នុងស្ថានភាពមួយលំបាក។ នៅក្នុងសប្តាហ៍នេះនិស្សិតជាច្រើនបានធ្វើពហិការថ្នាក់រៀននិងសាស្រ្តាចារ្យជាច្រើនត្រូវបានផ្អាកជាផ្លូវការកាលពីចុងខែមុនខណៈពេលដែលពួកគេបានទាមទារឱ្យមានការលាលែងពីតំណែងរបស់លោក O’Neill។
