ប្រភពព័ត៌មានពី RT ចេញផ្សាយថ្ងៃទី១៧ ខែមករា ឆ្នាំ២០១៩
ការវាយប្រហារភេរវកម្មនៅទីក្រុង Manbij ក្នុងប្រទេសស៊ីរីសម្លាប់មនុស្សចំនួន២០នាក់ ក្នុងនោះមានទាហានអាមេរិកចំនួន៥នាក់។ នេះបើតាមប្រសាសន៍របស់ប្រធានាធិបតីទួរគី លោក Recep Tayyip Erdogan ។
លោកជឿជាក់ថាការវាយប្រហារនេះនឹងមិនធ្វើឱ្យប្រធានាធិបតីអាមេរិកលោក Donald Trump លុបចោលការដកកងទ័ពឡើយ។ លោក Erdogan មានប្រសាសន៍ថាការវាយប្រហារអត្តឃាតនៅថ្ងៃពុធ នៅតំបន់ស្ថិតក្រោមការគ្រប់គ្រងរបស់ឃឺដត្រូវគេតម្រង់លើការសម្រេចចិត្តរបស់លោក Trump ក្នុងការដកកងទ័ពចេញពីប្រទេសដែលរងការហែកហួរពីសង្រ្គាម។
ប៉ុន្តែមេដឹកនាំទួរគីលោកជឿជាក់ថា លោកត្រាំនឹងមិនផ្លាស់ប្តូរការសម្រេចចិត្តក្នុងការដកខ្លួនរបស់លោកនោះទេ។ លោកបន្តថា “ការវាយប្រហារក្នុងទីក្រុង Manbij អាចនឹងមានបំណងធ្វើឱ្យប៉ះពាល់ដល់ការ សម្រេចចិត្តរបស់លោកត្រាំក្នុងការដកកម្លាំងចេញពីប្រទេសស៊ីរី។ ប៉ុន្តែនៅពេលដែល ខ្ញុំឃើញការសម្រេចចិត្តរបស់លោកត្រាំ ខ្ញុំមិនគិតថាជំហានថយក្រោយនឹងធ្វើតាមការវាយប្រហារភេរវកម្មបែបនេះទេ “។
មតិយោបល់លោក Erdogan ធ្វើឡើងក្រោយពីមានការបំផ្ទុះគ្រាប់បែកអត្តឃាតសម្លាប់មនុស្សចំនួន២០នាក់ក្នុងទីក្រុង Manbij ជាតំបន់គ្រប់គ្រងដោយឃឺដស្ថិតនៅភាគខាងជើងប្រទេសស៊ីរ៉ី។ អ្នកស្លាប់ទាំងនោះជា ទាហានអាមេរិក។
