ប្រភពព័ត៌មានពី RT ចេញផ្សាយថ្ងៃទី១៣ ខែកុម្ភៈ ឆ្នាំ២០១៩
យោងតាមភ្នាក់ងារព័ត៌មានFARS បញ្ជាក់ឱ្យដឹងមានការវាយប្រហារអត្តឃាតមួយក្នុងតំបន់ Chanali ភាគអាគ្នេយ៍ប្រទេសអ៊ីរ៉ង់សម្លាប់កងកម្លាំងចំនួន២០នាក់កាលពីថ្ងៃពុធ។ កងកម្លាំងអ៊ីរ៉ង់ចំនួន១០នាក់ផ្សេងទៀតរងរបួសក្នុងការវាយប្រហារនេះ។
គេរាយការណ៍ថាការវាយប្រហារកំណត់គោលដៅលើរថយន្តក្រុងដឹកកងកម្លាំងសន្តិសុខកើតឡើងនៅតាមដងផ្លូវរវាងទីក្រុង Zahedan និង Khash ជិតព្រំដែនប្រទេសប៉ាគីស្ថាន ជាកន្លែងដែលក្រុមសកម្មប្រយុទ្ធ និងអ្នករត់ពន្ធគ្រឿងញៀនធ្វើសកម្មភាព។
ការវាយប្រហារនេះកើតឡើងនៅថ្ងៃដែលមានសន្និសិទដឹកនាំដោយសហរដ្ឋអាមេរិកប្រព្រឹត្តទៅនៅតំបន់ Warsaw ដែលជាកិច្ចចរចាឥទ្ធិពលអាក្រក់របស់អ៊ីរ៉ង់នៅទូទាំងមជ្ឈឹមបូព៌ា។ ក្រុមអ្នកកាសែតនៅលើ Twitter និយាយថាក្រុមភេរវករ Jaish ul Adl អះអាងទទួលខុសត្រូវចំពោះការវាយប្រហារនេះតាមរយៈទូរលេខរបស់ខ្លួន។ កងកម្លាំងបដិវត្តន៍អ៊ីរ៉ង់មានអំណាចខាងសេដ្ឋកិច្ច និងយោធាយ៉ាងសំខាន់ក្នុងប្រទេសនេះដែលអាចឆ្លើយតបទៅនឹងលោក Ayatollah Ali Khamenei ជាមេដឹកនាំជាន់ខ្ពស់។
