ប្រភពព័ត៌មានពី RT ចេញផ្សាយថ្ងៃទី២០ ខែកុម្ភៈ ឆ្នាំ២០១៩
ការដាក់បង្ហាញមីស៊ីល BrahMos-NG នៅឯពិព័រណ៍ Aero India ក្នុងប្រទេសឥណ្ឌា។ វាជាប្រភេទគ្រាប់មីស៊ីលរបស់រុស្ស៊ី-ឥណ្ឌាដែលមានទំហំតូចសមរម្យសម្រាប់យន្តហោះតូច។ នាយកប្រតិបត្តិ IT លោក Praveen Pathak មានប្រសន៍ថាការសាកល្បងគ្រាប់មីស៊ីលដំបូងបង្កើតឡើងដោយក្រុមហ៊ុនចម្រុះដែលមានមូលដ្ឋាននៅឥណ្ឌា-រុស្ស៊ី។
គ្រាប់ BrahMos Aerospace ត្រូវគេរំពឹងថានឹងចំណាយពេលពី៣ទៅ៤ឆ្នាំ។ BrahMos-NG (‘NG’ តំណាងឱ្យ ‘ជំនាន់ក្រោយ’) គឺជាជំនាន់តូចជាងមុនរបស់គ្រាប់ស៊ីល supersonic ដែលជាកំណែប្រើ Su-30MKI ជាគំរូ។ ការបង្ហាញសាកល្បងកំណែថ្មីនេះបង្ហាញពីយន្តហោះចម្បាំង HAL Tejas ចំនួនពីរគ្រឿងរបស់កងកម្លាំងអាកាសឥណ្ឌាដែលមានសមត្ថភាពពាក់កណ្តាលនៃយន្តហោះចម្បាំង Sukhoi។
ជាការពិតណាស់មីស៊ីល MIG-29 និងSu-30MKI ផលិតដោយរុស្ស៊ីក៏អាចបំពាក់ជាមួយមីស៊ីលតូចដែរ។ BrahMos-NG ត្រូវគេរំពឹងថា នឹងមានទម្ងន់ប្រហែល១,៥ តោននិងមានប្រវែង ៥ ម៉ែត្របើប្រៀបធៀបទៅនឹង BrahMos-A មាន២.៥ តោន និងមានប្រវែង៨ ម៉ែត្រ។ វានឹងអាចហោះបានចម្ងាយ៣០០គីឡូម៉ែត្រ និងមានល្បឿនលឿនរហូតដល់៣,៥ ម៉ាច។
ក្រុមគ្រួសារមីស៊ីលមានដើមកំណើតមកពីកាំជ្រួចមីស៊ីលប្រឆាំងកប៉ាល់ Granit សូវៀត/រុស្ស៊ីដែលម៉ាស៊ីនរ៉ុក្កែតត្រូវគេកែសម្រួលនិងធ្វើឱ្យប្រសើរឡើងសម្រាប់ការបណ្តាក់ទុនរួមគ្នា។ ភាគីឥណ្ឌាចូលរួមចំណែកផ្នែកអេឡិចត្រូនិករួមទាំងប្រព័ន្ធណែនាំ។ BrahMos ត្រូវគេបង្កើត ឡើងជាលើកដំបូងក្នុងកំណែកងទ័ពជើងទឹកនិងដីដោយបើកដំណើរការតាមអាកាសនៅចុងឆ្នាំ២០០០ ។
BrahMos Aerospace ជាការវិនិយោគរួមរវាងឥណ្ឌូ – រុស្ស៊ីដែលបង្កើតឡើងនៅឆ្នាំ១៩៩៨ នៅប្រទេសឥណ្ឌាក្រោយពីមានកិច្ចព្រមព្រៀងអន្តររដ្ឋាភិបាលរវាងប្រទេសទាំងពីរ។ ភាគហ៊ុន ៥០,៥ ភាគរយនៃក្រុមហ៊ុននេះ គ្រប់គ្រងដោយប្រទេសឥណ្ឌា ខណៈដែល រុស្ស៊ីមានភាគហ៊ុន ៤៩,៥ ភាគរយ។
