ប្រភពព័ត៌មានពី BBC ចេញផ្សាយថ្ងៃទី២១ ខែមេសា ឆ្នាំ២០១៩
អាជ្ញាធរអាមេរិកចាប់ខ្លួនសមាជិកម្នាក់នៃកងជីវពលដែលបញ្ឈប់ជនចំណាកស្រុកដែលព្យាយាមឆ្លងកាត់ព្រំដែនអាមេរិក និងម៉ិកស៊ិក។ លោក Larry Mitchell Hopkins វ័យ៦៩ឆ្នាំត្រូវបានគេឃុំឃាំងនៅក្នុងរដ្ឋញូម៉ិកស៊ិកកូជាឧក្រិដ្ឋជន នៅក្នុងកម្មសិទ្ធិប្រើប្រាស់អាវុធ។
តែប៉ុន្មានថ្ងៃប៉ុណ្ណោះ វីដេអូមួយបានបែកធ្លាយពីសមាជិកកងជីវពល ដែលឃុំខ្លួនមនុស្សរាប់សិបនាក់នៃជនអន្តោរប្រវេសន៍នៅវាលខ្សាច់។ ក្រុមស្នេហាជាតិសហព័ន្ធរដ្ឋធម្មនុញ្ញ ត្រូវបានគេថ្កោលទោសដោយក្រុមសិទ្ធិស៊ីវិល និងមន្រ្តីមូលដ្ឋាន។
អគ្គរដ្ឋអាជ្ញាញូម៉ិកស៊ិក លោក Hector Balderas បាននិយាយថា “នេះគឺជាគ្រោះថ្នាក់មួយដែលមិនគួរមានអាវុធនៅជុំវិញកុមារ និងក្រុមគ្រួសារនោះទេ “។ “ការចាប់ខ្លួននៅថ្ងៃនេះដោយ FBI ដែលបង្ហាញយ៉ាងច្បាស់ថានីតិរដ្ឋគួរតែមាននៅក្នុងដៃរបស់មន្រ្តីអនុវត្តច្បាប់ដែលមិនមែនជាទាហានប្រដាប់អាវុធទេ “។
ខណៈពេលដែលសេចក្តីថ្លែងរបស់លោក បាននិយាយថាលោក Hopkins ត្រូវគេចាប់ខ្លួនជាជនល្មើសហើយមិនបានបញ្ជាក់នូវអ្វីដែលជាមូលដ្ឋាននៃការកាត់ទោសនោះទេ។ សមាជិកកងជីវពលដែលរងការចោទប្រកាន់ត្រូវបានគេរំពឹងថានឹងបង្ហាញខ្លួន នៅក្នុងតុលាការនៅថ្ងៃចន្ទនេះផងដែរ។
ស្នេហាជាតិសហព័ន្ធរដ្ឋធម្មនុញ្ញ ជាក្រុមអ្នកស្ម័គ្រចិត្តតូចមួយ បានជំទាស់ថា ខ្លួនកំពុងជួយការល្បាតព្រំដែនរបស់សហរដ្ឋអាមេរិក ដើម្បីដោះស្រាយជាមួយនឹងការកើនឡើងនៅក្នុងជនចំណាកស្រុក ដែលឆ្លងកាត់ព្រំដែនភាគខាងត្បូងរបស់សហអាមេរិក។ ហើយជាកងជីវពលមួយ នៅក្នុងចំណោមកងជីវពលជាច្រើនដែលកំពុងប្រតិបត្តិការនៅក្នុងតំបន់។
ខណៈព័ត៌មានលម្អិតនៃវីដេអូចុងក្រោយបំផុតនៅក្នុងសប្តាហ៍នេះ អភិបាលញូម៉ិកស៊ិកលោកស្រី Michelle Lujan Grisham បាននិយាយនៅលើបណ្តាញសង្គម Twitter ថា “គ្រោះថ្នាក់ ឬគំរាមកំហែងដល់គ្រួសារចំណាកស្រុក និងអ្នកស្វែងរកសិទ្ធិជ្រកកោនមិនអាចទទួលយកបាន និងត្រូវតែបញ្ឈប់ផងដែរ”។ ហើយគយសហរដ្ឋអាមេរិក និងអ្នកការពារព្រំដែន កាលពីមុនបាននិយាយថា ពួកគេបានជំទាស់ជនស៊ីវិលដែលល្បាតព្រំដែន ក្នុងការស្វែងរកអ្នកឆ្លងដែនខុសច្បាប់៕
