ប្រភពព័ត៌មានពី TASS ចេញផ្សាយថ្ងៃទី២៥ ខែមេសា ឆ្នាំ២០១៩
សារព័ត៌មាន Reuters ផ្សាយនៅថ្ងៃព្រហស្បតិ៍ថា ចំនួនអ្នកស្លាប់ក្នុងការវាយប្រហារភេរវករនៅថ្ងៃអាទិត្យមានចំនួនប្រហែល២៥០ នាក់មិនមែន៣៥៩ នាក់ដូចសេចក្តីរាយការណ៍ពីមុននោះទេ។
អគ្គនាយកសេវាសុខភាពនៅប្រទេសស្រីលង្កាលោកស្រី Anil Jasignhe ប្រាប់ភ្នាក់ងារ Reuters ក្នុងបទសម្ភាសន៍តាមទូរស័ព្ទថា “អ្នកស្លាប់អាចមានចំនួនចន្លោះពី២៥០ ឬ២៦០នាក់។ ខ្ញុំមិនទាន់អាចប្រាប់ពីចំនួនជាក់លាក់បានទេ។ មានបំណែកជាច្រើនរបស់រាងកាយ ហើយវាពិបាកក្នុងការផ្តល់នូវតួលេខច្បាស់លាស់”។
អនុរដ្ឋមន្ត្រីក្រសួងការពារជាតិស្រីលង្កាលោក Ruwan Wijewardene ប្រាប់ភ្នាក់ងារ Reutersថា ចំនួនអ្នកស្លាប់ឡើងដល់២៥៣ ដោយសារតែតួលេខមិនត្រឹមត្រូវផ្តល់ដោយកន្លែងដាក់សពរបស់ ប្រទេសនោះ។ នៅថ្ងៃទី២១ ខែមេសា ប្រទេសស្រីលង្ការងការវាយប្រហារភេរវកម្មដ៏អាក្រក់បំផុតនៅក្នុងប្រវត្តិសាស្រ្តរបស់ខ្លួន។
ការបំផ្ទុះសរុបចំនួនប្រាំបីធ្វើឱ្យរញ្ជួយដល់ទីក្រុង Colombo Negambo និង Batticaloa។ ជនល្មើសកំណត់គោលដៅលើព្រះវិហារកាតូលិក និងសណ្ឋាគារនៅថ្ងៃបុណ្យក្នុងយប់រំលងថ្ងៃអាទិត្យ។ ក្នុងចំណោមជនល្មើសមានពលរដ្ឋស្រីលង្កាចូលរួមបំផ្ទុះគ្រាប់បែកអត្តឃាត។
