ប្រភពព័ត៌មានពី TASS ចេញផ្សាយថ្ងៃទី២ ខែមេសា ឆ្នាំ២០១៩
យោធាអ៊ីស្រាអែលវាយប្រហារតាមអាកាសជាបន្តបន្ទាប់ប្រឆាំងនឹងក្រុម Hamas នៅតំបន់ Gaza Strip ដើម្បីជាការឆ្លើយតបទៅនឹងការបាញ់បង្ហោះតាមខ្យល់មានសារធាតុឆេះ និងផ្ទុះសំដៅលើទឹកដីរបស់ប្រទេសអ៊ីស្រាអែល នេះយោងតាមប្រភពព័ត៌មាន IDF (កងទ័ពការពារអ៊ីស្រាអែល) រាយការណ៍លើគណនី Twitter របស់ខ្លួននៅថ្ងៃព្រហស្បតិ៍។
ក្នុងការឆ្លើយតបទៅនឹងការប្រើគ្រឿងផ្ទុះ និងបង្ហោះភ្លើងពីតំបន់ហ្គាហ្សាទៅកាន់ទឹកដីប្រទេសអ៊ីស្រា អែលនៅពេលព្រឹក កងកម្លាំងអាកាសរបស់អ៊ីស្រាអែលវាយប្រហារលើគោលដៅមួយចំនួន របស់ក្រុម Hamas នៅតំបន់ Gaza ។ អ៊ីស្រាអែលទទួលថាពួកគេវាយប្រហារលើក្រុម យោង តាមប្រភព IDF ធ្វីតលើបណ្តាញសង្គម។
នៅចុងខែមេសាក្រុម IDF ប្រកាសថា អ៊ីស្រាអែល ប្រើមធ្យោបាយពិសេសអាចរាវរក និងរារាំងខ្លែងនិងប៉េងប៉ោងខ្យល់ដែលមានសារធាតុឆេះនិងផ្ទុះដែលបង្ហោះនៅក្បែរ ព្រំដែនហ្គាហ្សាស្ទ្រីប។ក្រុមប៉ាឡេស្ទីនចាប់ផ្តើមបង្ហោះវត្ថុងាយ ឆេះសំដៅលើទឹកដីអ៊ីស្រាអែលនៅជិតព្រំដែនតំបន់ហ្គាហ្សាក្នុងកំឡុងពេលមានការប្រមូលផ្តុំគ្នាដ៏ធំមួយនៅចុងខែមីនា។ កម្លាំងអ៊ីស្រាអែលចាត់ទុកថាការបាញ់បង្ហោះនោះជាអំពើភេរ វកម្ម។
ពុំមានការស្លាប់ និងរបួស ឬការខូចខាតកើតឡើងបណ្ដាលមកពីប៉េងប៉ោង និងខ្លែងមានតម្លៃរាប់លានដុល្លារ។ កម្លាំង IDF រាយការណ៍នៅពេលក្រោយថា “គ្រួសារអ៊ីស្រាអែលនៅភាគខាងត្បូងប្រទេសអ៊ីស្រាអែលឆោរឡោរដោយសម្លេងសារ៉ែនបង្ហាញពីការវាយប្រហារតាមខ្យល់ ខណៈមានគ្រាប់រ៉ុក្កែតចំនួន ២ គ្រាប់ត្រូវគេបាញ់ចេញពីតំបន់តំបន់ហ្គាហ្សាទៅលើ ទឹកដីប្រទេសអ៊ីស្រាអែល។
ក្រោយពីមានការប្រកាសបទឈប់បាញ់មួយនៅថ្ងៃទី២៦ ខែមីនា ក្រុមប៉ាឡេស្ទីនបាញ់មីស៊ីលប្រហែល ៣០ គ្រាប់ផ្តោតលើទឹកដីរបស់ប្រទេសអ៊ីស្រាអែលនៅភាគខាងត្បូង ។ ជាការឆ្លើយតប យោធាអ៊ីស្រាអែលវាយប្រហារបកទៅលើគោលដៅយោធា ប៉ាឡេស្ទីនចំនួន១៥ ក្នុងតំបន់ហ្គាហ្សាស្ទ្រីប។
