ប្រភពព័ត៌មានពី RT ចេញផ្សាយថ្ងៃទី៨ ខែឧសភា ឆ្នាំ២០១៩
រដ្ឋមន្ដ្រីក្រសួងការបរទេសរុស្ស៊ីលោក Sergey Lavrov មានប្រសាសន៍នៅថ្ងៃពុធថាមូលដ្ឋាន អាកាស Khmeimim នៅប្រទេសស៊ីរីរងការវាយប្រហារពីក្រុមភេរវជន Jabhat al-Nusra ក្នុងខេត្ត Idlib នាពេលថ្មីៗនេះ ហើយលោកបន្ថែមថាសំបុកក្រុមភេរវករត្រូវតែកម្ចាត់ចេញ។
លោកធ្វើសេចក្តីថ្លែងការណ៍នៅក្នុងសន្និសីទសារព័ត៌មានមួយជាមួយសមភាគីអ៊ីរ៉ង់គឺលោក Mohammad Javad Zarif នៅក្នុងទីក្រុងម៉ូស្គូ។ លោក Lavrov មានប្រសាសន៍ថានៅក្រោមឈ្មោះថ្មី Hayat Tahrir al-Sham ក្រុមភេរវករមិនត្រឹមតែអាចគ្រប់គ្រងស្ថានភាពនៅទីនោះទេ ប៉ុន្តែថែមទាំងអាចវាយប្រហារលើកងទ័ពស៊ីរី និងលើតំបន់តាំងទីលំនៅ។
ប្រមុខមជ្ឈមណ្ឌលសម្រុះសម្រួលស៊ីរីលោកឧត្តមសេនីយ៍ Viktor Kupchishin មានប្រសាសន៍នៅថ្ងៃអង្គារថា ពួកសកម្មប្រយុទ្ធបំពានលើបទឈប់បាញ់គ្នានៅខេត្ត Aleppo Idlib និង Latakia ក្នុងប្រទេសស៊ីរីក្នុងរយៈពេលក្រោយពី ២៤ ម៉ោងកន្លងផុត។
