ប្រភពព័ត៌មាន RT ផ្សាយថ្ងៃទី០៣ ខែកក្កដា ឆ្នាំ២០១៩
ការធ្វើកូដកម្មរយៈពេល២៤ម៉ោងពីក្រុមនាវិកធ្វើឱ្យនាវាក្រិច និងទូកដឹកអ្នកដំណើរដទៃទៀតត្រូវចងទុកចោលនៅកំពង់ផែ។ កូដកម្មនោះធ្វើឱ្យភ្ញៀវទេសចរ និងប្រជាជនក្រិចដែលនាំគ្នាធ្វើដំណើរកម្សាន្ត ខកខានទៅកម្សាន្តលើកោះជាច្រើន។ សហជីព PNO ចាត់ទុកកូដកម្មនៅថ្ងៃពុធនេះ ជាសកម្មភាពទាមទារដំឡើងប្រាក់ខែដែលជាផ្នែកមួយនៃកិច្ចព្រមព្រៀងប្រាក់ឈ្នួលរួម។ គួរបញ្ជាក់ផងដែរកោះក្រិចជាច្រើនអាចចូលបានតែតាមច្រកសមុទ្រប៉ុណ្ណោះ។ សមាគមពាណិជ្ជកម្មដឹកជញ្ជូនអ្នកដំណើរ SEEN សម្តែងការភ្ញាក់ផ្អើលនៅពេលមានការធ្វើកូដកម្មនៅចុងខែមិថុនាដោយនិយាយថា ក្រុមហ៊ុនធ្លាប់ដំឡើងប្រាក់ឈ្នួល២ភាគរយសម្រាប់ឆ្នាំ២០១៩ ដែលជាចំនួនកើនឡើង ២ភាគរយលើសឆ្នាំ២០១៨៕
