ប្រភពព័ត៌មាន RT ផ្សាយថ្ងៃទី០៤ ខែកក្កដា ឆ្នាំ២០១៩
មេដឹកនាំក្រុមប្រឆាំងស៊ូដង់ និងឧត្តមសេនីយ៍កំពុងកាន់អំណាចបន្តធ្វើការចរចាអំពីការបង្កើតស្ថាប័នគ្រប់គ្រងថ្មី ហើយនោះជាការចរចាលើកដំបូងចាប់តាំងពីមានការបង្ក្រាបបាតុករនៅខែមុន។ សហភាពអាហ្វ្រិក និងអ្នកសម្របសម្រួលអ៊ីតូពីអំពាវនាវដល់ភាគីទាំងពីរនៅថ្ងៃអង្គារឱ្យបន្តកិច្ចចរចាគ្នាស្តីពីច្បាប់នៃការគ្រប់គ្រងជនស៊ីវិល ដែលនោះជាតម្រូវការចម្បងរបស់បាតុករដែលប្រមូលផ្តុំគ្នាប្រឆាំងនឹងឧត្តមសេនីយ៍អស់រយៈពេលជាច្រើនសប្តាហ៍។ ការចរចាបរាជ័យនៅខែឧសភាជុំវិញការបង្កើតអង្គភាពគ្រប់គ្រងថ្មី និងអ្នកដែលគួរតែដឹកនាំអង្គភាពនោះថា ជាជនស៊ីវិលឬក៏ជាទាហាន។ កាលពីថ្ងៃពុធ គេរាយការណ៍ថា កិច្ចចរចានោះបន្តនៅក្រុង Khartoum រវាងមេបញ្ជាការបីរូបមកពីក្រុមប្រឹក្សាយោធាកាន់អំណាច និងមេដឹកនាំតវ៉ាចំនួន៥នាក់ផ្សេងទៀត៕
