ប្រភពព័ត៌មាន RT ផ្សាយថ្ងៃទី0៤ ខែកក្កដា ឆ្នាំ២០១៩
ភ្នាក់ងារគ្រប់គ្រងស្បៀងអាហាររបស់អង្គការសហប្រជាជាតិកំពុងព្យួរការងារនៅក្នុងប្រទេសយេម៉ែន ក្រោយបរាជ័យក្នុងការចុះកិច្ចព្រមព្រៀងពីអ្នកស្រុក។ សកម្មជនម្នាក់និយាយថា ក្រុមឧទ្ទាម Houthi មានភាពភ័យខ្លាចថា ទិន្នន័យជីវប្រវត្តរបស់ពួកគេអាចត្រូវកម្លាំងចម្រុះដឹកនាំដោយអារ៉ាប៊ីសាអូឌីតប្រើប្រាស់សម្រាប់គោលបំណងសង្រ្គាម។ យោងតាមប្រភពព័ត៌មានពីអង្គការសហប្រជាជាតិមានមនុស្សជិត ១០លាននាក់កំពុងរងភាពអត់ឃ្លានយ៉ាងខ្លាំងក្នុងប្រទេសយេម៉ែនដោយសាររងការហែកហួរពីសង្រ្គាម។ ប៉ុន្តែខែមុន កម្មវិធីស្បៀងអាហារពិភពលោករបស់អង្គការសហប្រជាជាតិប្រកាសថា ពួកគេនឹងផ្អាកសកម្មភាពនៅរដ្ឋធានី Sanaa ក្នុងប្រទេសយេម៉ែនដែលគ្រប់គ្រងដោយពួកឧទ្ទាម Houthi។ ការផ្លាស់ប្តូរនេះធ្វើឡើងក្រោយពីទីភ្នាក់ងារទាំងនោះបរាជ័យក្នុងធ្វើកិច្ចព្រមព្រៀងជាមួយក្រុម Houthis ដើម្បីប្រើប្រាស់ប្រព័ន្ធជីវប្រវត្ត ដោយសំអាងថា ប្រព័ន្ធនោះនឹងអាចជួយការពារការខ្វះចំណីអាហារនៅក្នុងប្រទេសរងគ្រោះ។ ក្រុម Houthis ចោទប្រកាន់ភ្នាក់ងារផ្តល់ជំនួយខាងនយោបាយអំឡុងពេលមានធ្វើការដេញថ្លៃរបស់កម្លាំងសម្ព័ន្ធដឹកនាំដោយអារ៉ាប់(សមាជិករបស់អារ៉ាប់ស្ថិតនៅក្នុងចំណោមអ្នកផ្តល់មូលនិធិជាប្រធានកម្មវិធីស្បៀងអាហារ)។ អ្នករៀបចំយុទ្ធនាការប្រឆាំងនឹងសង្គ្រាម លោក Jonathon Shafi ប្រាប់ភ្នាក់ងារព័ត៌មានថា អាជ្ញាធរឧទ្ទាមមានការព្រួយបារម្ភថា ទិន្នន័យផ្ទាល់ខ្លួនរបស់ប្រជាជនយេម៉ែនចំនួនរាប់លាននាក់ រួមទាំងមន្រ្តីយោធា និងទាហានអាចត្រូវកម្លាំងចម្រុះដឹកនាំដោយអារ៉ាប់ប្រើប្រាស់។ ស្របពេលជាមួយគ្នានោះដែរ ជំនួយអន្តរជាតិនៅតែមានសារៈសំខាន់សម្រាប់ប្រទេសយេម៉ែន ដែលជាប្រទេសរងគ្រោះពីភាពអត់ឃ្លានដោយសារសង្គ្រាមស៊ីវិល និងការអន្តរាគមន៍ដឹកនាំដោយប្រទេសអារ៉ាប៊ីសាអូឌីត៕
