ប្រភពព័ត៌មាន RT ផ្សាយថ្ងៃទី០៨ ខែកក្កដា ឆ្នាំ២០១៩
ប្រតិភូអាហ្វហ្គានីស្ថានប្រមាណជា៧០នាក់បន្តធ្វើកិច្ចចរចាជាមួយពួកតាលីបង់នៅថ្ងៃចន្ទក្នុងទីក្រុងដូហា ដែលក្នុងនោះអាចមានបទឈប់បាញ់រដែលគេនឹងលើកយកមកជជែកលើតុពីភាក្សាក្នុងចំណោមបញ្ហាសំខាន់ៗដទៃទៀត ហើយក្នុងនោះក៏មានបញ្ហាពីសិទ្ធិស្ត្រីត្រូវគេលើកយកមកពិភាក្សាផងដែរ។ កិច្ចចរចារៀបចំឡើងដោយប្រទេសអាឡឺម៉ង់ និងរដ្ឋកាតា ធ្វើឡើងក្រោយពីមានកិច្ចចរចារយៈពេលមួយសប្តាហ៍រវាងសហរដ្ឋអាមេរិក និងក្រុមតាលីបង់ ដោយភាគីទាំងសងខាងព្យាយាមឆ្ពោះទៅរកដំណោះស្រាយចំពោះជម្លោះរយៈពេល១៨ឆ្នាំ។ សហរដ្ឋអាមេរិកចង់បិទកិច្ចព្រមព្រៀងនយោបាយជាមួយក្រុមតាលីបង់ឱ្យមុនពេលបោះឆ្នោតប្រធានាធិបតីអាហ្វហ្គានីស្ថានក្នុងខែកញ្ញាដើម្បីអនុញ្ញាតឱ្យកងកម្លាំងបរទេសចាប់ផ្តើមដកខ្លួន។ កិច្ចប្រជុំរបស់អាហ្គានីស្ថានបន្តជាមួយក្រុមតាលីបង់ដោយផ្ទាល់រយៈពេល ៦ថ្ងៃផងដែរ ប៉ុន្តែក្រោយមកក៏មានការពន្យារពេលរយៈពេលពីរថ្ងៃ ហើយគេគ្រោងនឹងបន្តប្រជុំឡើងវិញនៅថ្ងៃអង្គារ៕
