ប្រភពព័ត៌មាន RT ផ្សាយថ្ងៃទី០៩ ខែកក្កដា ឆ្នាំ២០១៩
នៅថ្ងៃអង្គារប្រទេសចិនអំពាវនាវឱ្យក្រុងវ៉ាស៊ីនតោនលុបចោលការលក់អាវុធរួមទាំងរថក្រោះប្រយុទ្ធ និងមីស៊ីលប្រឆាំងយន្តហោះមានតម្លៃ២,២ពាន់លានដុល្លារទៅឱ្យកៅតៃវ៉ាន់។ អ្នកនាំពាក្យក្រសួងការបរទេសលោក Geng Shuang មានប្រសាសន៍ថា “ការលក់អាវុធរបស់សហរដ្ឋអាមេរិកទៅឱ្យកោះតៃវ៉ាន់បំពានយ៉ាងធ្ងន់ធ្ងរលើគោលការណ៍ចិនតែមួយ និងជ្រៀតជ្រែកយ៉ាងជ្រៅក្នុងកិច្ចការផ្ទៃក្នុងរបស់ប្រទេសចិន ហើយថែមទាំងធ្វើឱ្យប៉ះពាល់ដល់អធិបតេយ្យភាពរួមទាំងផលប្រយោជន៍សន្តិសុខរបស់ប្រទេសចិន”។ ក្រសួងការបរទេសអាមេរិកយល់ព្រមលក់អាវុធឱ្យកោះតៃវ៉ាន់មានដូចជា រថក្រោះ M1A2T Abrams រថបាញ់មីស៊ីល Stinger និងឧបករណ៍ពាក់ព័ន្ធមានតម្លៃប្រមាណ ២,២ពាន់លានដុល្លារបើទោះជាមានការរិះគន់ពីប្រទេសចិនក៏ដោយ៕
![](https://i0.wp.com/cdn.nctc.gov.kh/2019/07/5d2464acdda4c8e0608b4574.jpg?resize=696%2C391&ssl=1)