ប្រភពព័ត៌មាន RT ផ្សាយថ្ងៃទី១០ ខែកក្កដា ឆ្នាំ២០១៩
អ្នកនាំពាក្យក្រសួងការបរទេសអ៊ីរ៉ង់មានប្រសាសន៍នៅថ្ងៃពុធថា ទីក្រុងតេអេរ៉ង់ស្វាគមន៍ចំពោះកិច្ចប្រឹងប្រែងរបស់ប្រទេសបារាំងក្នុងការរក្សាកិច្ចព្រមព្រៀងនុយក្លេអ៊ែរឆ្នាំ២០១៥។ សេចក្តីថ្លែងកាណ៍នោះធ្វើឡើងក្រោយពីទីប្រឹក្សាការទូតកំពូលរបស់ប្រធានាធិបតីបារាំងលោក Emmanuel Macron ទៅទស្សនកិច្ចនៅទីក្រុងតេអេរ៉ង់សម្រាប់កិច្ចពិភាក្សា។ ភ្នាក់ងារ IRNA រាយការណ៍ថាអ្នកនាំពាក្យលោក Abbas Mousavi ស្វាគមន៍តួនាទីរបស់ប្រទេសបារាំងក្នុងការចូលរួមកាត់បន្ថយភាពតានតឹង និងការអនុវត្តកិច្ចព្រមព្រៀង។ ភ្នាក់ងារព័ត៌មានដកស្រង់សម្តីរបស់អ្នកនាំពាក្យរូបនោះថា “ប្រទេសបារាំងគឺជាផ្នែកនៃកិច្ចប្រឹងប្រែងក្នុងការរក្សាកិច្ចព្រមព្រៀងឱ្យនៅបន្ត”។ លោក Emmanuel Bonne ទីប្រឹក្សាការទូតជាន់ខ្ពស់របស់លោក Macron កំពុងធ្វើទស្សនកិច្ចនៅប្រទេសអ៊ីរ៉ង់ដើម្បីព្យាយាមជួបជាមួយមន្រ្តីអ៊ីរ៉ង់ ខណៈដែលភាពតានតឹងកើនឡើងរវាងក្រុងតេរ៉ាន និងសហរដ្ឋអាមេរិក៕
![](https://i0.wp.com/cdn.nctc.gov.kh/2019/07/5d25c2c8fc7e93f46c8b45d4.jpg?resize=696%2C391&ssl=1)