ប្រភពព័ត៌មាន RT ផ្សាយថ្ងៃទី១៤ ខែកក្កដា ឆ្នាំ២០១៩
លោក Benjamin Netanyahu ប្តេជ្ញាថានឹងកម្ទេចក្រុមហេសប៊ូឡា បើសិនជាពួកគេធ្វើការវាយប្រហារប្រឆាំងនឹងប្រទេសអ៊ីស្រាអែល ក្រោយពេលមេដឹកនាំក្រុមសកម្មប្រយុទ្ធលោក Hassan Nasrallah អះអាងថាក្រុងតែលអាវីវស្ថិតនៅក្នុងជួររ៉ូកែត។ ថ្លែងនៅក្នុងកិច្ចប្រជុំគណៈរដ្ឋមន្ត្រីប្រចាំសប្តាហ៍នៅថ្ងៃអាទិត្យ នាយករដ្ឋមន្ត្រីអ៊ីស្រាអែលព្រមានពីការបំផ្លាញចំណងមិត្តភាពនឹង កើតឡើងប្រសិនបើក្រុមលីបង់គាំទ្រដោយអ៊ីរ៉ង់ហ៊ានធ្វើការវាយប្រហារ។ លោកមានប្រសាសន៍ថា “សូមបញ្ជាក់ឱ្យច្បាស់ ប្រសិនបើក្រុមហេសប៊ូឡាហ៊ានធ្វើកំហុសដោយអនុវត្តការវាយប្រហារលើប្រទេសអ៊ីស្រាអែល យើងនឹងចាត់វិធានការណ៍លើរឿងនេះ និងលើក្រុមលីបង់ និងប្រើកម្លាំងយោធា។ ការបញ្ជាក់នេះធ្វើឡើងត្រឹមតែរយៈពេលប៉ុន្មានថ្ងៃក្រោយពេលលោក Nasrallah មានប្រសាសន៍ថា “គោលដៅមួយចំនួនក្នុងប្រទេសអ៊ីស្រាអែលស្ថិតនៅតាមបណ្តោយឆ្នេរសមុទ្រមេឌីទែរ៉ាណេរួមទាំងក្រុងតែលអាវីវ ស្ថិតនៅក្នុងជួរគ្រាប់រ៉ូកែតរបស់យើង។” នៅក្នុងសុន្ទរកថាខួបប្រចាំឆ្នាំនៃសង្គ្រាមលីបង់លើកទីពីរឆ្នាំ២០០៦ ជាមួយអ៊ីស្រាអែលលោក Nasrallah បន្ថែមថា “អ៊ីរ៉ង់អាចអនុវត្តវាយប្រហារលើអ៊ីស្រាអែលដោយប្រើកម្លាំងអាកាស ប៉ុន្តែនឹងមិនចាប់ផ្តើមសង្គ្រាមទេ”។ ជម្លោះក្នុងឆ្នាំ២០០៦ សម្លាប់សមាជិកលីបង់ចំនួនច្រើនជាង ១,២០០នាក់ដែលភាគច្រើនពួកគេជាជនស៊ីវិល និងមនុស្សចំនួន១៦០នាក់ជាជនជាតិអ៊ីស្រាអែលដែលភាគច្រើនជាទាហាន។ ភាពតានតឹងរវាងប្រទេសអ៊ីស្រាអែល និងក្រុមហេសប៊ូឡាកើនឡើងដោយសារការវាយប្រហារតាមអាកាសរបស់អ៊ីស្រាអែលលើគោលដៅរបស់ក្រុមហេសប៊ូឡាក្នុងប្រទេសស៊ីរី។ ក្រុមហេសប៊ូឡាត្រូវសហរដ្ឋអាមេរិកចាត់ទុកជាអង្គការភេរវកម្ម។ គេនិយាយថា ក្រុមហេប៊ូឡាដើរតួនាទីយ៉ាងសំខាន់ក្នុងការជម្រុញដល់រដ្ឋអ៊ីស្លាម (ISIS) និងពួកឧទ្ទាមទទួលបានការឧបត្ថម្ភពីបរទេស។ ដោយសារតែសង្គ្រាមនៅប្រទេសស៊ីរីធូរស្រាល អ្នកខ្លះបារម្ភថាការប៉ះទង្គិចគ្នារវាងប្រទេសអ៊ីស្រាអែល និងហេសប៊ូឡាបច្ចុប្បន្នកាន់តែរីកធំឡើង។ ថ្មីៗនេះប្រទេសអ៊ីស្រាអែលរកឃើញផ្លូវរូងក្រោមដីដែលតភ្ជាប់ក្រុមលីបង់ជាមួយទឹកដីរបស់អ៊ីស្រាអែល។ ក្រុងតែលអាវីវអះអាងថា ក្រុមហេសប៊ូឡាមានគម្រោងប្រើបណ្តាញក្រោមដីដើម្បីអនុវត្តការវាយប្រហារ៕
