ប្រភពព័ត៌មានពី IraqiNews ចេញផ្សាយថ្ងៃទី១៦ ខែកក្កដា ឆ្នាំ២០១៩
ប្រភពប៉ូលិសបានប្រាប់កាលពីថ្ងៃចន្ទនេះថាកងកម្លាំងសន្តិសុខអ៊ីរ៉ាក់រឹបអូសរថយន្តបង្កៃគ្រាប់១គ្រឿង ស្ថិតនៅភាគខាងកើតរដ្ឋធានីបាកដាដ។ រថយន្ដបង្កៃគ្រាប់បែកនេះត្រូវបានកងកម្លាំងសន្តិសុខប្រទះឃើញនៅលើដងផ្លូវមួយកន្លែងស្ថិតនៅក្នុងតំបន់ al-Na’ireya ភាគខាងកើតរដ្ឋធានីបាដាដ។ ខណៈនេះក្រុមដោះគ្រាប់បែកកំពុងធ្វើការដើម្បីយកគ្រាប់បែកចេញពីរថយន្ត។ គួរកត់សម្គាល់ថាប្រទេសអ៊ីរ៉ាក់មានការកើនឡើងអំពើហិង្សា បន្ទាប់ពីមានការលេចឡើងនៃក្រុមសកម្មប្រយុទ្ធរដ្ឋអ៊ីស្លាមដែលបានប្រកាសរដ្ឋអ៊ីស្លាមរបស់ពួកគេស្ថិតនៅក្នុងប្រទេសអ៊ីរ៉ាក់និងតំបន់ Levant កាលពីឆ្នាំ២០១៤។ ការកើនឡើងអំពើហិង្សារវាងក្រុមប្រដាប់អាវុធ និងកងកម្លាំងរដ្ឋាភិបាលបណ្តាលឲ្យមនុស្សជាង៥លាននាក់ផ្លាស់ទីលំនៅនៅទូទាំងប្រទេសអ៊ីរ៉ាក់ ហើយក៏បណ្តាលឲ្យមនុស្សជាង១១លាននាក់ត្រូវការជំនួយមនុស្សធម៌ នេះបើយោងតាមការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌៕
