ប្រភពព័ត៌មានពី BBC ចេញផ្សាយថ្ងៃទី១៦ ខែកក្កដា ឆ្នាំ២០១៩
បងប្រុស និងប្អូនស្រីរងការចោទប្រកាន់ពីបទរៀបចំផែនការសម្ងាត់ក្នុងការវាយប្រហារដ៏ធំមួយ ត្រូវបង្ហាញខ្លួននៅក្នុងតុលាការ។ លោក Mohiussunnath Chowdhury វ័យ២៨ឆ្នាំ និងកញ្ញា Sneha Chowdhury វ័យ២៥ឆ្នាំត្រូវចាប់ខ្លួននៅទីក្រុងលូតុន ដោយប៉ូលិសក្រុងកាលពីថ្ងៃទី៣ ខែកក្កដា។ អ្នកទាំង២នាក់បងប្អូន រស់នៅផ្លូវ Kirkwood ទីក្រុងលូតុន ត្រូវបង្ហាញមុខនៅតុលាការ Westminster Magistrates។ លោក Mohiussunnath Chowdhury ត្រូវបញ្ជូនទៅឃុំឃាំងដោយចោទពីបទរៀបចំអំពើភេរវកម្ម ខណៈប្អូនស្រីគាត់ប្រឈមនឹងការចោទប្រកាន់២ករណី និងត្រូវដោះលែងវិញដោយការធានាផងដែរ។ ពួកគេត្រូវបញ្ជូនទៅកាន់មជ្ឍមណ្ឌលតុលាការស៊ីវិល Old Bailey នៅថ្ងៃទី២៩ ខែកក្កដា ខាងមុននេះ។ លោក Chowdhury ក៏ត្រូវចោទប្រកាន់ពីបទកាន់កាប់ឯកសារមួយទំនងជាមានប្រយោជន៍ដល់បុគ្គលមានឆន្ទៈ ឬរៀបចំផែនការប្រព្រិត្តិអំពើភេរវកម្ម និងការចោទប្រកាន់ពីការផ្សព្វផ្សាយភេរវកម្ម។ លោកមិនបានផ្តល់ចម្លើយនៅក្នុងសវនាការនោះទេ និងគ្រាន់តែនិយាយឈ្មោះ អាស័យដ្ឋាន ថ្ងៃខែឆ្នាំកំណើត និងសញ្ជាតិអង់គ្លេសតែប៉ុណ្ណោះ។ បងស្រីរបស់គាត់បានបញ្ជាក់ថា គាត់នឹងមិនមានទោសទេ ដោយសារការចោទប្រកាន់ទាំង២ករណីត្រូវច្រានចោលវិញដើម្បីបង្ហាញព័ត៌មានទាក់ទងនឹងគម្រោងអំពើភេវរកម្ម៕
