ប្រភពព័ត៌មានពី RT ចុះផ្សាយថ្ងៃទី១៧ ខែកក្កដា ឆ្នាំ២០១៩
ក្រុមឧទ្ទាម Houthi របស់យេម៉ែននិយាយថាពួកគេប្រប្រាស់យន្តហោះគ្មានមនុស្សបើកវាយប្រហារទៅលើព្រលានយន្តហោះ Jizan នៅភាគអាគ្នេយ៍ប្រទេសអារ៉ាប៊ីសាអូឌីតកាលពីព្រឹកថ្ងៃពុធនេះ។ Reuters រាយការណ៍ថា អ្នកនាំពាក្យរបស់ក្រុមយោធាឧទ្ទាម Houthi លោក Yahya Saria និយាយថាការវាយប្រហារនេះបានបង្អាក់ប្រតិបត្ដិការនៅឯព្រលានយន្តហោះនេះ។ កាលពីថ្ងៃអង្គារនេះ ក្រុមចម្រុះដឹកនាំដោយអារ៉ាប៊ីសាអ៊ូឌីតនិយាយថាខ្លួនស្ទាក់ចាប់ និងទម្លាក់យន្តហោះគ្មានមនុស្សបើករបស់ក្រុម Houthi ចំនួន៣គ្រឿងដែលបានបាញ់ឆ្ពោះទៅទីក្រុង Jizan និង Abha ភាគខាងលិចនៃប្រទេសអារ៉ាប៊ីសាអ៊ូឌីត។ យោងតាមលោក Saria បញ្ជាក់ថា ការវាយប្រហារដោយយន្តហោះគ្មានមនុស្សបើកកាលពីថ្ងៃអង្គារនេះសំដៅទៅលើមូលដ្ឋានអាកាស Khalid នៅជិតទីក្រុង Khamis Mushait នៃប្រទេសអារ៉ាប៊ីសាអ៊ូឌីត។ ទោះបីជាយ៉ាងណាក៏ដោយ វានៅមិនទាន់មានការឆ្លើយតបភ្លាមៗពីប្រទេសអារ៉ាប់ប៊ីសាអូឌីតនៅឡើយទេ៕
![](https://i0.wp.com/cdn.nctc.gov.kh/2019/07/5d2eeec4fc7e939f5f8b45c3.jpg?resize=696%2C391&ssl=1)