ប្រភពព័ត៌មានពី RT ផ្សាយថ្ងៃទី១៨ ខែកក្កដា ឆ្នាំ២០១៩
ក្រុងវ៉ាស៊ីនតោនដាក់ទណ្ឌកម្មលើមេដឹកនាំកងជីវពលអ៊ីរ៉ាក់ចំនួន២នាក់ដោយចោទប្រកាន់ពួកគេពីបទបំពានសិទ្ធិមនុស្ស។ លោក Mike Pence ស្តីបន្ទោសលើប្រទេសអ៊ីរ៉ង់ចំពោះការគាំទ្រដល់កងជីវពល ហើយលោកបន្ថែមថាសហរដ្ឋអាមេរិកនឹងមិនគាំទ្រទេនៅពេលដែលក្រុងតេរ៉ានធ្វើឱ្យរាលដាលអំពើភេរវកម្ម។ សេចក្តីប្រកាសនេះធ្វើឡើងដោយលោក Pence អំឡុងពេលដែលលោកនៅវេទិកាសេរីភាពសាសនាប្រចាំឆ្នាំលើកទី២ក្នុងវ៉ាស៊ីនតោនឌីស៊ីនៅថ្ងៃព្រហស្បត្តិ៍។ លោកបន្ទោសប្រទេសអ៊ីរ៉ង់ចំពោះការបណ្តោយឱ្យមានអំពើហិង្សា និងអំពើភេរវកម្មនៅទូទាំងតំបន់ជាទៀងទាត់។ លោកបន្ថែមថា សហរដ្ឋអាមេរិកកំពុងដាក់ទណ្ឌកម្មលើមេដឹកនាំចំនួនពីរនាក់របស់កងជីវពលគាំទ្រដោយអ៊ីរ៉ង់ ដែលគំរាមកំហែងប្រជាជនក្នុងស្រុក។ ខណៈដែលលោក Pence មិនបញ្ចេញឈ្មោះពិតប្រាកដរបស់បុគ្គលដែលត្រូវទទួលទណ្ឌកម្មនោះ នាយកដ្ឋានរតនាគារជាតិអាមេរិកចេញសេចក្តីថ្លែងការណ៍របស់ខ្លួនភ្លាមៗក្រោយពីការប្រកាសរបស់លោក Pence។ យោធាអ៊ីរ៉ាក់ចំនួន ៤នាក់មានលោក Rayan al-Kildani លោក Waad Qado លោក Nawfal Hammadi al-Sultan ជាអតីតអភិបាលរដ្ឋអ៊ីរ៉ាក់ និងលោក Ahmed al-Jubouri ត្រូវគេបន្ថែមក្នុងបញ្ជីដាក់ទណ្ឌកម្មពីបទបំពានសិទ្ធិមនុស្សក្រោមច្បាប់ Magnitsky។ យោងតាមប្រភពព័ត៌មានពីនាយកដ្ឋានរតនាគារជាតិអាមេរិកបង្ហាញឱ្យដឹងថា លោក Al-Kildani និង Qado ជាមេដឹកនាំកងពលតូចទី៥០ និងទី៣។ អ្នកទាំងពីរ (ជាអតីតអភិបាលរដ្ឋ) ត្រូវគេចោទប្រកាន់ពីបទបំពានសិទ្ធិមនុស្ស។ ខណៈដែលលោក Pence ស្តីបន្ទោសប្រទេសអ៊ីរ៉ង់ចំពោះការគាំទ្រមេដឹកនាំកងជីវពលចំនួនពីររូប សេចក្តីថ្លែងការណ៍របស់នាយកដ្ឋានរតនាគារជាតិអាមេរិកលើកឡើងស្តីពីប្រទេសអ៊ីរ៉ង់តែម្តងគត់ ដោយរៀបរាប់ប្រឆាំងនឹងអភិបាលរដ្ឋមួយរូប។ សេចក្ដីថ្លែងការណ៍មានសេចក្តីថា “គេដឹងថា លោក Al-Jubouri ការពារផលប្រយោជន៍ផ្ទាល់ខ្លួនរបស់គាត់ ដោយជួយដល់ក្រុមទទួលបានការគាំទ្រពីប្រទេសអ៊ីរ៉ង់ ដែលធ្វើប្រតិបត្តិការនៅខាងក្រៅពីការគ្រប់គ្រងរបស់រដ្ឋ”៕
