ប្រភពព័ត៌មានពី RT ចុះផ្សាយថ្ងៃទី១៩ ខែកក្កដា ឆ្នាំ២០១៩
ក្រុងហាណូយកាលពីថ្ងៃសុក្រចោទប្រកាន់ថា នាវាស្ទង់មើលប្រេងរបស់ចិន និងអ្នកយាមល្បាតបំពានលើអធិបតេយ្យភាពរបស់ខ្លួន ហើយទាមទារឱ្យចិនដកនាវាចេញពីដែនទឹកវៀតណាម។ Reuters និយាយថា អ្នកជំនាញការមូលដ្ឋានយោធាអាមេរិករាយការណ៍កាលពីថ្ងៃពុធថា នាវាចម្បាំងចិន និងវៀតណាមប្រឈមមុខដាក់គ្នាជាច្រើនសប្តាហ៍នៅជិតប្លុកប្រេងមួយនៅតំបន់សេដ្ឋកិច្ចផ្តាច់មុខរបស់វៀតណាម។ ទាំងក្រុងប៉េកាំង និងហាណូយមិនបានបញ្ជាក់អះអាងដោយផ្ទាល់ឬបដិសេធរបាយការណ៍នេះទេ។ លោកស្រី Le Thi Thu Hang អ្នកនាំពាក្យក្រសួងការបរទេសនិយាយនៅក្នុងទីក្រុងហាណូយថា “នាវាចម្បាំងចិន Haiyang Dizhi 8 និងអ្នកអមការពារធ្វើសកម្មភាពនៅតំបន់ភាគខាងត្បូងនៃសមុទ្រខាងកើតដែលរំលោភលើតំបន់សេដ្ឋកិច្ចផ្តាច់មុខ និងតំបន់ខ្ពង់រាបរបស់វៀតណាម”។ លោកស្រីនិយាយថាវៀតណាមទាមទារឱ្យចិនបញ្ឈប់ “សកម្មភាពខុសច្បាប់” និងថានាវារបស់ខ្លួនចាកចេញពីដែនទឹកវៀតណាម។ អ្នកនាំពាក្យក្រសួងការបរទេសចិនលោក Geng Shuang និយាយកាលពីថ្ងៃពុធថា ក្រុងប៉េកាំងសង្ឃឹមថា “ភាគីវៀតណាមអាចគោរពសិទិ្ធ និងយុត្តាធិការអធិបតេយ្យភាពរបស់ចិនលើដែនទឹកដែលពាក់ព័ន្ធនេះ”៕
