ក្រុមមនុស្សពាក់របាំងមុខវាយប្រហារហ្វូងមនុស្សនៅស្ថានីយ៍រថភ្លើងទីក្រុងហុងកុង

ប្រភពព័ត៌មានពី​ BBC ចេញផ្សាយថ្ងៃទី២២ ខែកក្កដា ឆ្នាំ២០១៩

ក្រុមបុរសពាក់ម៉ាស់រាប់សិបនាក់ប្រដាប់ដោយដំបងឆក់វាយលុកនៅស្ថានីយរថភ្លើងមួយកន្លែងនៅ​ស្រុក Yuen Long ទីក្រុងហុងកុងកាលពីថ្ងៃអាទិត្យនេះ។ ខ្សែវីដេអូខ្លី ដែលបង្ហោះនៅលើបណ្តាញ​សង្គម​បង្ហាញក្រុមពាក់របាំងមុខទាំងអស់ពាក់អាវយឺតពណ៌សហើយវាយប្រហារមនុស្សលើវេទិកា និងរថភ្លើងផងដែរ។ នៅក្នុងហេតុការណ៍នេះ មនុស្ស៤៥នាក់រងរបួស ហើយមានម្នាក់នៅក្នុងស្ថានភាព​ធ្ងន់ធ្ងរ៕