ប្រភពព័ត៌មានពី RT ចុះផ្សាយថ្ងៃទី២២ ខែកក្កដា ឆ្នាំ២០១៩
ទីប្រឹក្សាសន្តិសុខជាតិអាមេរិកលោក John Bolton រៀបចំការចរចាកាលពីថ្ងៃចន្ទនេះជាមួយមន្ត្រីជប៉ុននៅទីក្រុងតូក្យូ។ យោងតាមការរាយការណ៍របស់ AP បានឲ្យដឹងថាកិច្ចប្រជុំនេះរៀបចំដើម្បីពិភាក្សាពីក្រុមយោធាចម្រុះដែលដឹកនាំដោយអាមេរិកដើម្បីការពារការដឹកជញ្ជូននៅក្នុងច្រកសមុទ្រ Hormuz ស្របពេលដែលភាពតានតឹងកើនឡើងនៅក្នុងតំបន់នេះ។ ប្រទេសជប៉ុនដែលប្រើប្រាស់កម្លាំងគឺត្រូវបានកំណត់ដើម្បីស្វ័យការពារក្រោមរដ្ឋធម្មនុញ្ញរបស់អ្នកសន្តិភាពនិយមគឺមានការប្រុងប្រយ័ត្នអំពីក្រុមយោធាចម្រុះ។ លោកនាយករដ្ឋមន្ត្រី ស៊ីនហ្សូ អាបេ និយាយថា គាត់ចង់ដឹងបន្ថែមអំពីគោលបំណងរបស់ក្រុងវ៉ាស៊ីនតោនមុនពេលសម្រេចចិត្តថាតើជប៉ុនអាចសហការគ្នាបានឬយ៉ាងណានោះ? ក្រោយពេលជួបជាមួយរដ្ឋមន្ត្រីក្រសួងការបរទេសជប៉ុនលោក Taro Kono លោក Bolton និយាយថា ពួកគេ “ពិភាក្សារទៅលើរឿងជាច្រើន”។ បណ្តាញព័ត៌មានជប៉ុននិយាយថា លោក Bolton ក៏អាចពិភាក្សាគ្នាអំពីជម្លោះរវាងប្រទេសជប៉ុន និងកូរ៉េខាងត្បូងជុំវិញបញ្ហាជួញដូរ និងបញ្ហាពលកម្មសម័យសង្គ្រាមផងដែរ៕
