ប្រភពព័ត៌មានពី RT ផ្សាយថ្ងៃទី២៥ ខែកក្កដា ឆ្នាំ២០១៩
រដ្ឋមន្ត្រីការពារជាតិទួរគីលោក ហូលូស៊ី អាកា ជួបជាមួយមន្រ្តីយោធាដើម្បីពិភាក្សាពីប្រតិបត្តិការដែលអាចមាននៅភាគខាងជើងប្រទេសស៊ីរី។ សេចក្ដីថ្លែងការណ៍របស់ក្រសួងការបរទេសនៅថ្ងៃព្រហស្បតិ៍ធ្វើឡើងនៅរយៈពេលមួយថ្ងៃបន្ទាប់ពីទីក្រុងអង់ការ៉ាធ្វើការព្រមានថា ក្រុងអង់ការ៉ានឹងធ្វើសកម្មភាពប្រសិនបើតំបន់សុវត្ថិភាពដែលគ្រោងទុកនោះមិនអាចទទួលបានការព្រមព្រៀងជាមួយសហរដ្ឋអាមេរិក។ ក្រុងអង់ការ៉ានិយាយនៅថ្ងៃពុធថា ពួកគេអស់ការអត់ធ្មត់ជាមួយសហរដ្ឋអាមេរិកក្នុងការចរចាស្តីពីការបង្កើតតំបន់សុវត្ថិភាពនោះ។ ភ្នាក់ងារព័ត៌បន្ថែមថា មន្ត្រីទួរគី និងអាមេរិករៀបចំកិច្ចប្រជុំជាបន្តបន្ទាប់ស្តីពីតំបន់សុវត្ថិភាព និងការអភិវឌ្ឍដទៃទៀតដែលគ្រោងទុកនៅក្នុងតំបន់នោះ។ ក្រុងអង់ការ៉ាលើកឡើងថា “យើងបង្ហាញពីទស្សនៈ និងសំណូមពររបស់យើងចំពោះគណៈប្រតិភូដែលមកទីនេះ។ យើងរំពឹងថាពួកគេនឹងវាយតម្លៃលើរឿងទាំងនេះ ហើយធ្វើការឆ្លើយតបភ្លាមៗ។ យើងបង្ហាញពួកគេម្តងទៀតថា យើងមិនមានការអត់ធ្មត់ចំពោះការពន្យារពេលណាមួយទេ ហើយយើងនឹងប្រើគំនិតផ្តួចផ្តើមរបស់យើងប្រសិនបើចាំបាច់”៕
