ប្រភពព័ត៌មានពី RT ផ្សាយថ្ងៃទី២៥ ខែកក្កដា ឆ្នាំ២០១៩
មេក្រុមតវ៉ាឈានមុខមួយរូបនិយាយនៅថ្ងៃព្រហស្បតិ៍ថា មេដឹកនាំក្រុមប្រឆាំងស៊ូដង់ និងក្រុមឧទ្ទាមដោះស្រាយឡើងវិញលើភាពខុសគ្នារបស់ពួកគេជុំវិញកិច្ចព្រមព្រៀងចែករំលែកអំណាចដែលចុះហត្ថលេខាជាមួយមេដឹកនាំយោធា។ ចលនាក្រុមប្រឆាំងចុះហត្ថលេខាលើកិច្ចព្រមព្រៀងចែករំលែកអំណាចនៅថ្ងៃទី១៧ ខែកក្កដាជាមួយលោកឧត្តមសេនីយ៍កំពុងកាន់អំណាចរបស់ប្រទេសស៊ូដង់ដែលនាំមកនូវរដ្ឋបាលស៊ីវិលអន្តរកាល ដែលជាតម្រូវការសំខាន់របស់ក្រុមបាតុករ។ ក្រុមប្រដាប់អាវុធ៣ក្រុមដែលជាសមាជិកក្នុងចលនាតវ៉ាធ្វើការជំទាស់នឹងកិច្ចព្រមព្រៀងនោះដោយនិយាយថា កិច្ចព្រមព្រៀងនោះពុំបានដោះស្រាយបញ្ហាសន្តិភាពនៅក្នុងតំបន់សង្រ្គាម Darfur និង South Kordofan និង Blue Nile។ ក្រុមអ្នកតវ៉ាមួយក្រុមធ្វើដំណើរទៅក្រុង Addis Ababa ដើម្បីពិភាក្សាជាមួយពួកឧទ្ទាម។ បន្ទាប់ពីការចរចាអស់រយៈពេលជាច្រើនថ្ងៃពួកគេឈានដល់កិច្ចព្រមព្រៀងមួយដែលប្រកាសនៅថ្ងៃព្រហស្បតិ៍។ មេដឹកនាំក្រុមបាតុករ និងឧត្តមសេនីយ៍មិនទាន់ចុះហត្ថលេខាលើសេចក្តីប្រកាសរដ្ឋធម្មនុញ្ញទេ៕
