ប្រភពព័ត៌មានពី RT ចុះផ្សាយថ្ងៃទី២៩ ខែកក្កដា ឆ្នាំ ២០១៩
អនុប្រធានក្រុមប្រឹក្សាយោធារបស់ស៊ូដង់លោកឧត្តមសេនីយ៍ Mohamed Hamdan Dagalo ជួបជាមួយប្រធានាធិបតី Abdel Fattah al-Sisi ក្នុងដំណើរទស្សនកិច្ចផ្លូវការលើកដំបូងរបស់លោកទៅកាន់ប្រទេសអេហ្ស៊ីបនៅថ្ងៃច័ន្ទនេះ។ ប្រធានាធិបតីអេហ្ស៊ីបនិយាយថាឧត្តមសេនីយ៍ដែលគេស្គាល់ជាទូទៅថាជា Hemeti បង្ហាញការវិវឌ្ឍន៍ចុងក្រោយលើស្ថានភាពបច្ចុប្បន្ននៅក្នុងប្រទេសស៊ូដង់។ ប្រធានាធិបតីនិយាយបន្ថែមទៀតថា លោក Sisi ដែលជាអតីតឧត្តមសេនីយ៍ប្រធានាធិបតីរំលឹកឡើងវិញនូវ “ការគាំទ្រជាយុទ្ធសាស្ត្រ” របស់ប្រទេសអេហ្ស៊ីបក្នុងការថែរក្សា “ស្ថេរភាព និងសន្តិសុខ” របស់ប្រទេសស៊ូដង់ដែលជាប្រទេសអ្នកជិតខាងរបស់ខ្លួន។ នៅក្នុងសេចក្តីថ្លែងការណ៍មួយបញ្ជាក់ថា ក្រុមបាតុករ៥នាក់ក្នុងនោះមាននិស្សិត៤នាក់ស្លាប់នៅក្នុងការធ្វើបាតុកម្មមួយនៅកណ្តាលទីក្រុងរបស់ប្រទេសស៊ូដង់គឺ Al-Obeid និងរដ្ឋធានីរបស់រដ្ឋ North Kordofan កាលពីថ្ងៃច័ន្ទនេះ។ ពួកគេត្រូវគេរាយការណ៍ថាត្រូវបាញ់សម្លាប់ដោយគ្រាប់កាំភ្លើងមួយថ្ងៃមុនពេលដែលមេដឹកនាំបាតុកម្ម និងឧត្តមសេនីយ៍កាន់អំណាចជាច្រើនរូបជួបគ្នាដើម្បីដោះស្រាយបញ្ហាដែលនៅសេសសល់ទាក់ទងនឹងការបង្កើតរដ្ឋបាលស៊ីវិល៕
