ប្រភពព័ត៌មានពី RT ផ្សាយថ្ងៃទី០៥ ខែសីហា ឆ្នាំ២០១៩
ភ្នាក់ងារសារព័ត៌មានរាយការណ៍នៅថ្ងៃចន្ទដោយដកស្រង់សម្តីអ្នកនាំពាក្យយោធាហ៊ូទីថា កម្លាំងហ៊ូទីនៅប្រទេសយេម៉ែនបើកការវាយប្រហារដោយប្រើយន្តហោះគ្មានមនុស្សបើកលើព្រលានយន្តហោះឃីងខាលីដរបស់អារ៉ាប៊ីសាអូឌីត។ អ្នកនាំពាក្យក្រុមចម្រុះដឹកនាំដោយអារ៉ាប៊ីសាអូឌីតប្រយុទ្ធប្រឆាំងនឹងក្រុមហ៊ូទីក្នុងប្រទេសយេម៉ែននិយាយថា យន្តហោះគ្មានមនុស្សបើកត្រូវគេស្ទាក់ចាប់ និងបាញ់ទម្លាក់ក្នុងទិសដៅអាកាសយានដ្ឋានស៊ីវិល។ អ្នកនាំពាក្យយោធាហ៊ូទីលោក យ៉ាសយ៉ា សារៀ និយាយថាការវាយប្រហារលើអាកាសយានដ្ឋានអាប់ហា វាយចំគោលដៅរបស់ខ្លួន ហើយចរាចរណ៍ផ្លូវអាកាសរងការរំខានទាំងនៅអាប់ហា និងណារ៉ាន។ ទីតាំងទាំងបីស្ថិតនៅភាគនិរតីនៃប្រទេសអារ៉ាប៊ីសាអូឌីតនៅជិតព្រំដែនជាមួយប្រទេសយេម៉ែន៕
