ប្រភពព័ត៌មានពី RT ផ្សាយថ្ងៃទី០៦ ខែសីហា ឆ្នាំ២០១៩
ភ្នាក់ងារសារព័ត៌មាន Yonhap រាយការណ៍នៅថ្ងៃអង្គារដោយដកស្រង់ប្រសាសន៍របស់ប្រធានសេនាធិការចំរុះ (JCS) របស់ប្រទេសកូរ៉េខាងជើងថាប្រទេសកូរ៉េខាងជើងបាញ់គ្រាប់ផ្លោងចំនួន ២គ្រាប់ដែលមិនស្គាល់អត្តសញ្ញាណដោយគ្រាប់នោះបាញ់ចេញពីភាគខាងត្បូងនៃខេត្តហ្វាងហែចូលទៅក្នុងសមុទ្រភាគខាងកើត។ ភ្នាក់ងារ JCS និយាយថាពួកគេកំពុងតាមដានស្ថានការណ៍ និងត្រៀមខ្លួនប្រយុទ្ធ។ប្រទេសកូរ៉េខាងជើងធ្លាប់សាកល្បងប្រព័ន្ធបាញ់ចេញគ្រាប់រ៉ូកែតច្រើនរួមទាំងមីស៊ីលនៅថ្ងៃទី២ ខែសីហាក្រោមការដឹកនាំរបស់លោក គីម ជុងអ៊ុន។ យោងតាមប្រភពភ្នាក់ងារព័ត៌មានកណ្តាលកូរ៉េ (KCNA) បន្ថែមឱ្យដឹងថា ការធ្វើតេស្តនោះមានគោលបំណងសិក្សាពីលក្ខណៈបច្ចេកទេសរបស់ប្រព័ន្ធបាញ់ចេញគ្រាប់រ៉ូកែតច្រើនគ្រាប់។ ទីក្រុងព្យុងយ៉ាងក៏ធ្លាប់បាញ់មីស៊ីលនៅថ្ងៃទី២៥ និង៣១ ខែកក្កដាផងដែរ៕
